Popular Bible Verses from 2 Kolɛntikalu 12

Share

Kɛɛ a do k'a fɔ ǹ yɛ, a vɛɛ: «Ǹ na nɛɛma min kɛla i yɛ, wo y'i wasa, kamasɔlɔn ǹa seetiiya yi jiyala fangandanya le lɔ.» Wo le n'a kɛla, ǹ kɛtɔ ǹ jɛlɛ matɔɔla sawa boloma ka bɛn ǹa fangandanya ma, fɔsa Masa Tɔɔmasenin ya seetiiya yi to ǹ kan.

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

Hali ni ǹ tɛɛ ka kɛ a fɛ ka ǹ jɛlɛ matɔɔ, ǹ tɛɛ tɛnala kɛla hangilindan ne, kamasɔlɔn ǹ tɛɛ nala kɛla tuɲafɔba le le. Kɛɛ m̀'ɛ m̀ ban wo kɛko ma, fɔsa mɔɔ suu suu kana ǹ jate mɔɔ gbɛlɛ le, ni a tɛ min yena ǹ na ani ka min mɛn ǹ da. Kɛɛ jani ǹ'i ǹ fannɔbuɲa ka bɛn ko babalu ma minu lajɛlɛnin ǹ ɲa ma, dimin dɔ ka sii ǹ na iwo wonin min donnin ǹ fali lɔ, ka kɛ Soitana ya keladen ne, fɔsa ɲagba yi se m̀ ma ka m̀ mataa fannɔbaya la.