Popular Bible Verses from 1 Kolɛntikalu 6

Share

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le. Ala vɛ ban ài kunmaka sala dila. Wo ma, ài yi Ala magbiliya ài falikolo le.

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ, sonnu, natabalu, gbɛtɔlu, jɛvɛlikɛbalu, ani gbanalu, wolu suu suu tɛnala donna Ala ya masaya lɔ.

Ài yi bɔli kanukɛko ma feu! Ka bɔ kanukɛko kɔ, ni mɔɔ ka hakɛ suu gbɛlɛ ta, wo tɛ a falikolo ya ko le. Kɛɛ kanukɛba yi hakɛ tala ale jɛlɛkanu falikolo le la.

Mɔɔ dɔlu y'a fɔla, ai vɛɛ: «Ko bɛ ladaanyine m̀ ma.» Tuɲa le, kɛɛ nafa tɛ ko bɛ la. Ǹ'i sene a fɔla, ǹ ko: «Ko bɛ ladaanyine m̀ ma.» Kɛɛ ǹ tɛnala ǹ jɛlɛ kɛla fen fen si ya jɔn ne.

Ala na mɔ Tii Isa lawulila aa foniseleya le lɔ, a do kɛtɔ ǹu fana lawulila ten ne.