Popular Bible Verses from 1 Kolɛntikalu 13

Share

Kanundeya yi mɔɔ min josokun nɔ, wo tii le mɔɔ sawalinin ne, ani mɔɔ ɲuma. Keleya tɛ a josokun nɔ, niwotɛ waso. A tɛ mɔɔ kafanin ne. A tɛ malobaliyakolu kɛla, a tɛ gbalala a jɛlɛ le dein, a tɛ mɔnɛla jona. A tɛ ko lɔkilila.

Ko bɛ kunnin a lɔ. A lanin ko bɛ la. A jei siiyine ko bɛ lɔ. A do yi ko bɛ minala a ma.

A tɛ sawala koyonkɛko lɔ, fɔ tuɲandeya.

Wo le y'a ma yi ne, ko sawa le yi je minu totɔ je habadan: limaniya, jeisii, ani kanundeya. Kɛɛ a bɛ lɔ bubata le kanundeya le.

Kanundeya tɛnala banna tuun. Kelayakuma fɔko koni, wo kɛtɔ banna. Kan gbɛlɛ fɔko kɛtɔ bolokala, ado lɔnni fana kɛtɔ banna.

Hali ǹ senin ka kɛ adamadennu ya kan suu bɛ dɔ fɔla, ani mɛlɛkalu ya kan, ni kanundeya ma kɛ ǹ josokun nɔ, wo vɛ kɛla, ǹ kɛyine iwo nɛɛ gbasikan min mangan yi bɔla.

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

Hali ni ǹ ka m̀ bolofen bɛ di fandannilu ma, ani ka ǹ falikolo di a ɲɛninko lɔ Ala yɛ, ni kanundeya ma kɛ ǹ josokun nɔ, wo tɛnala foi ɲiala m̀ ma.

Ǹa denniya waate, ǹ tɛɛ kumala iwo denni, ka m̀ mili iwo denni, ǹe do tɛɛ kolu ɲayena le iwo denni. Kɛɛ ǹ na kɛla kɛmɔba le waate min nɔ, ǹ ka denniya kolu dabila.