Popular Bible Verses from 1 Kolɛntikalu 1

Share

Kɛɛ dunuɲamɔɔlu yi fen minu tala fen kundan ne, Ala na wolu le tala fɔsa a yi hangilimalu lamaloya. Ado dunuɲamɔɔlu yi fen minu tala fen fangandan ne, Ala na wolu le tala fɔsa a yi fangamalu lamaloya.

Samakan ka bɛn Isa gbaanko ma kɔlɔman ma, mɔɔ minu yi halaki siya kɔkan, wolu yi wo yena ko kundan ne le. Kɛɛ do, ǹu minu yi lakisili siya kɔkan, wo yi mɔ bolo Ala ya seetiiya le le.

Kamasɔlɔn Ala ya hangilimaya min kɛnin hangilindanya le adamadennu ɲakɔlɔ, wo le timinnin adamadennu ya hangilimaya bɛ la. Ado Ala ya fanga min kɛnin fangandanya le adamadennu ɲakɔlɔ, wo le timinnin adamadennu ya fangamaya bɛ la.

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

M̀ badenmalu, ǹ'ài madiyala mɔ Tii Masa Tɔɔmasenin Isa tɔɔ lɔ, ǹ ko, ài yi bɛn a lɔ, fɔsa falanɲɔɔya kana don ài tɛma, mafɔ ài yi kɛ kelen ne ài miliya ni àiya kolatɛɛnin bɛ lɔ.

Hangilimalu yi se mindɛ fɔla butu? Seliya kalanmɔɔlu yi se mindɛ fɔla butu? Bi sɔsɔyalindelu yi se mindɛ fɔla butu? Jalasa Ala m'a lagbɛ ko dunuɲa min hangilimaya yi hangilindanya le le?