Popular Bible Verses from APOCALIPSIS 5

Share

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.

a'e aipo e'i oñe'ë pirätä yuvɨreko: “¡Ko Ovesami a'e Cristo sekoi va'e yukapɨrer a'e chupe iyakatu ite mborerekwasa pɨsɨ agwä, opakatu porerekosa avei, mba'ekwasa iyavei pirätäsa, mboyeroyasa, poromboeteisa, sapukaisa pɨsɨ agwä aveino!”

Iyavei eremomborerekwa uka Tüpä upe narä, eremondo avei pa'i seko agwä yande Yar Tüpä upe narä, ipare a'e oporokwaira opakatu ɨvɨ rupi yuvɨreko.”

A'ese asendu avei opakatu Tüpä rembiapo ɨvave yuvɨrekoi va'e, ɨvɨ pɨpendar, ɨvɨvrɨ rupindar iyavei paragwasu pɨpendar, aipo e'i yuvɨreko: “¡Akoi ogwapɨ va'e tenda porañetesave iyavei Ovesami a'e Cristo sekoi va'e rendave, a'e timboeteisa, toipɨsɨ avei teko porañetesa iyavei pirätäsa, opakatu apɨre'ɨ̇ va'erä yepi!”

A'ese ikwaiprɨ pa'ü pendar ñepëi aipo e'i cheu: “Ereyase'o iri eme, esepia ni'ä evokoi ava Yagwa pɨ̇ta Judá suindar, a'e akoi mborerekwar gwasu David suindar avei, a'e ni'ä karugwar osekoreroyɨ va'e, sese iya ite chupe ñuvɨrïo ova sello mondoro kwachiar pɨpira agwä avei.”