Popular Bible Verses from APOCALIPSIS 16

Share

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Imoñepëi ovasa mbigwai ɨva pendar oipɨyere ɨgwa rɨru pɨpendar ɨai gwasu Éufrates pɨpe, evokoiyase a'e ɨ'ai opa ipiru supi osasa va'erä mborerekwareta ɨvate katu va'e yugweru va'e añi'ïvëi kotɨ sui.

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Ipare asepia mba'e ɨpɨ oporomokañɨ va'e yuru, mba'e ɨpɨ vai yuru avei, nda'ei va'e Tüpä ñe'ë mombe'usar yuru, a'e iyuru rupi yuvɨnosë mbosapɨ karugwar vɨreke nungar.

Ipare opakatu ite ava yuvɨrokaipa tuprɨ; ndoyevɨi ete rumo Tüpä upe iyavei nomboetei ete yuvɨreko. Egwë e'i iñe'ë marä-marä tëiño mba'erasɨ rerekose Tüpä upe yuvɨreko.

Yɨpɨndar va'e mbigwai ɨva pendar opa oipɨyere ɨgwa rɨru pɨpendar ɨvɨ arɨ rupi; evokoi opakatu ava vɨreko va'e mba'e ɨpɨ vai rer oyese sa'anga mboeteisar tëi avei, a'e chupe oime mba'e rasɨ vai tasɨ va'e sete rese.

Ipare opa omonu'ä mborerekwareta ɨvate katu va'e hebreo ñe'ë pɨpe serer Harmagedón ve.