Popular Bible Verses from APOCALIPSIS 11

Share

Imoñuvɨrïo ovasa mbigwai ɨva pendar omoñe'ëse gwemimbɨ, a'ese oyeendu ñe'ësa ipirätä va'e ɨva suindar aipo e'i: “Mborerekwasa ɨvɨ pendar a'e yande Yar Poropɨsɨrösar upendar ite, iyavei imborerekwasa apɨre'ɨ̇ va'erä ite sekoi.”

Ambuae tekwa re'ɨi pendar nde amotare'ɨ̇ ite yuvɨreko; nde ñemoɨrösa rumo kurïtëi oyepota, iyavei nde porandusa oime voira ava omano va'e upe; iyavei eremondora mba'e porerekosa nde rembigwai eta nde ñe'ë mombe'usar upe, ndeundar seko katuprɨ va'e upe iyavei akoi nde rer mboeteisar upe no, seko ɨvate va'e upe, seko ɨvɨ kotɨ katu va'e upe aveino; iyavei eremokañɨrä ko ɨvɨ pɨpe mba'e tëi aposar yuvɨreko.”

“Ipare ñuvɨrïo ava amondora che rekokwer mombe'u agwä opakatu ava upe mil doscientos sesenta arɨ rupi, a'e omondera turukwar ipo gwasu va'e yuvɨreko e'i.”

Mbosapɨ arɨ yemombɨtesa pare rumo, Tüpä opa ombogwerayevɨ, a'ese opü'apa iri yuvɨreko, evokoiyase ava opakatu osepia va'e osɨkɨye tëi yuvɨreko ichui.

Ko che ñe'ë reroyasar yuvɨrekoi va'e vɨreko ite opirätäsa ɨva rokenda mboya agwä yuvɨreko, okɨ e'ɨ̇ ägwä mombɨta avei, akoi arɨ rupi che reko mombe'u vɨteseve yuvɨreko, iyavei vɨreko pirätäsa ɨ rekuñarö agwä tuvɨ pɨpe yuvɨreko, imombaraɨsu uka agwä avei ɨvɨ opakatu-katu tëi mba'erasɨ pɨpe gwemimbotar rupi.

Ko ava ñuvɨrïo, a'e inungar ñuvɨrïo ɨvɨra Olivos iyavei inungar ñuvɨrïo oro apoprɨ tataendɨ rɨru yuvɨno'ä va'e ɨvɨ Yar rovai. Akoi oimese ovɨreko marä pota va'e, a'ese che reko mombe'usar yuru sui osëra tata sapɨpa agwä; egwë e'ira ava omano che reko mombe'usar amotare'ɨ̇mbar yuvɨreko.