Popular Bible Verses from SANTIAGO 2

Share

Egwë e'i avei: ayeroya yande Yar rese yande esa pɨpe, ndayayapoise rumo mba'e avɨye va'e aipo yande esa pɨpe, aipo ya'e tëiete yaiko.

Egwë e'i yande rembiapo katuprɨ ndayamboyekwaise yande yeroyasa pɨpe, a'e inungar avei Espíritu ndasekoise yande rese, yande yeroyasa evokoiyase omano tëiete oiko.

Che rɨvrɨ eta, ¿avɨyera pi'ä akoi ava, ayeroya yande Yar rese e'i tëi va'e, ndoyapoise mba'e avɨye va'e yuvɨreko? ¿Oikatura pi'ä a'e oñepɨsɨrö aipo o'e pɨpe tëi yuvɨreko?

Nde ni'ä ereikwa oimese ñepëi Tüpä, supiete aipo ere; ko rumo karugwar avei oikwa, ichui osɨkɨyepave rumo a'e orɨrɨi ete yuvɨreko.

Ñepëi ava pe pa'ü pendar aipo e'ira: “Nde erereko ndeporeroyasa, che rumo ayapo mba'e avɨye va'e. Emboyekwa ru nde yeroyasa mba'e nde rembiapo e'ɨ̇ pɨpe; evokoiyase che amboyekwara che yeroyasa oime va'e che rembiapo pɨpe ndeu.”

Supiete akoi ndoiparaɨsuerekoi va'e ava, a'e chupe ndipoi chiaveira poroparaɨsuerekosa mborandusave, oporoparaɨsuereko va'e rumo, a'e sorɨvete katura yuvɨreko arɨ pɨpe mborandusave kuri.

Peikwa ni'ä, Tüpä ko seko katuprɨ va'e e'i ava upe sembiapo tuprɨ repiase yepi, iyavei nda'ei iyeroyasa rese gweraño.

Iyavei Abraham yeroyasa oyekwa ite mba'e sembiapokwer avɨye va'e rese, evokoiyase egwë e'i a'e gwembiapokwer avɨye va'e pɨpe, omboavɨye tuprɨ oyeroyasa oiko araka'e.