Popular Bible Verses from HEBREOS 10

Share

Ndayamopanei chira yande ñemonu'äsa Tüpä upe, ndayaikoi chira omopane va'e nungar, iya rumo yayemongere'ɨ̇ katura ñepëi-pëi yande yeupe; esepia vɨrovɨ arɨ yande Yar yevɨ iri agwä.

Iyavei yasekañora ñepëi-pëi yañepɨtɨ̇vɨï va'erä yande yeaɨsu katu agwä iyavei mba'e tuprɨ apo agwä yande yeupe.

Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Pe rumo peyemovɨräkwäño itera mba'e-mba'e tëi upe Tüpä remimbotar apo agwä semimombe'ugwer oime va'erä pɨsɨ agwä kuri.

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Sese pemokañɨ tëi eme Tüpä rese pe yeroyasa, esepia evokoiya pe rekosa pɨpe omoime ukara mba'e tuprɨ peü kuri.

Akoi tayemboangaipaño ite ya'ese, mba'e supi tuprɨ va'e kwa pare yaiko, ndipo iri ambuae seropove'ëpɨ̇ra evokoi yande angaipa repɨrä yandeu; ñemoɨrösa ipirätä va'e gweraño oimerä yandeu iyavei tata gwasu apɨre'ɨ̇ va'e opara omokañɨ Tüpä amotare'ɨ̇mbar yuvɨrekoi va'e.