Popular Bible Verses from EFESIOS 5

Share

Pe ni'ä Tüpä ra'ɨrɨ sembiaɨsu peiko, sese peyemongere'ɨ̇ katu sekokwer moña agwä. Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Sese pema'ekwa tuprɨ pe rekokwer rese. Peikoi rene ndayarakwai va'e nungar; peikora rumo pe yapɨsaka tuprɨsa pɨpe. Peiporu katu ñepëi-pëi arɨ yande Yar upe narä pe rekoveseve, esepia kurïtëi tekokwer ko ɨvɨ pɨpe mba'e tëiete.

Nda'ei chira kagwar tëi peiko, evokoi mba'e ndoporopoɨsui mba'e tëi apo uka agwä, peiko katura rumo Espíritu Maräne'ɨ̇ pe mbo'esa pɨpe. Peñe'ë katu salmos pɨpe, opakatu Tüpä upendar sapukaisa pɨpe avei peyeupe; pesapukai, pemboetei avei opakatu pe pɨ'a pɨpe yande Yar sereko. Avɨye peyera opakatu mba'e rese yande Ru Tüpä upe yande Yar Jesucristo rer pɨpe yepi.

Sese peikoi rene ava ndoyemboarakwai va'e nungar; iya rumo peyembo'e katu yande Yar remimbotar apo agwä.

Iyavei kuimba'e osaɨsura gwembireko, inungar Cristo osaɨsu opakatu vɨroyasar, omondo gwekokwer chupe narä.

Peikwa ni'ä yɨpɨndar peiko pɨ̇tümimbisa nungar mba'e-mba'e tëi pɨpe, kurïtëi rumo peiko tesapesa nungar pɨpe yande Yar rese. Sese peiko tuprɨño ite Tüpä suindar poroesapesa pɨpe

Peyemboyeroya katu ambuae ava rese Cristo mboeteisa pɨpe.

Kuña tomboyeroya omer, inungar yande Yar omboyeroya yuvɨreko.

Egwë e'i ete ñepëi-pëi pesaɨsu pe rembireko pe yeaɨsu nungar, iyavei kuña tomboetei tuprɨ omer yuvɨreko.

“Sese ava oseyara oyesupa iyavei osɨ gwembireko rese gweko agwä, a'ese ñuvɨrïo yuvɨrekoira ñepëi ava nungar.”

Peyepepɨ opakatu pɨ̇tümimbisa nungar ava rembiapoai egwë e'i tëi va'e sui; iya peikwa uka voira ko nungar mba'e.