Popular Bible Verses from 2 SAN PEDRO 3

Share

Esepia yande Yar ndiaraka'ei ete oñe'ë mboavɨye agwä, inungar amove ava, aipo e'i yuvɨreko viña, a'e rumo avɨye eteprɨ gweko mbegwesa pɨpe yandeu, esepia ndoipotai ñepëi yepe yande kañɨ tëi agwä; a'e rumo oipota opakatu tuprɨ ite yande rekokwer ñekuñarö agwä.

Che rɨvrɨ eta, che rembiaɨsu, peresarai rene ko mba'e sui, yande Yar upe ñepëi arɨ inungar mil aravɨter, mil aravɨter evokoiyase inungar ñepëi arɨmi tëi chupe.

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

Opakatu ite ni'ä ko mba'e yapoprɨ okañɨ tëi va'erä sese, ¡peyemovɨräkwäño itera pe reko maräne'ɨ̇sa rese Tüpä rese pe pɨ'a ñemoñetasa pɨpe! Pesäröño Tüpä yepotasa resendar arɨ, iyavei peyapo opakatu peikatugwer rupi toyepota poyava voi pe yapave. A'e arɨ pɨpe ɨva opara okañɨ tëiete tata pɨpe, opakatu mba'e yapoprɨ tɨkupa tuprɨra kuri