Popular Bible Verses from 1 SAN PEDRO 3

Share

pemboeteira rumo Cristo pe Yar sekosa rese pe pɨ'a pɨpe. Peyemoigätu voira ava pe remiarö rese oporanduse peü pe kere'ɨ̇sa pɨpe imombe'u tuprɨ agwä, egwë peyera rumo pe reko mbegwesa pɨpe imboeteisave. Peiko tuprɨra pe pɨ'añemoñetasa tuprɨ pɨpe, akoi oñe'ërai va'e pe Cristo reroyasa rekokwer rese, a'e yuvinochirä oñe'ë sui kuri.

Esepia spiete, yande Yar osärö ava seko katuprɨ va'e iyavei osendu oyeupe yeruresa, ava mba'e tëi aposar rumo ndoipɨsɨi ete.”

Akoi pemboyekwa potase pe yemoporañetesa nda'ei chira pe rete rese inungar oakä rese mba'e omoporañeteai va'e, nda'ei chiaveira pe yemondesa sendɨyai va'e oro nungar, iyavei turukwar porañete katu va'e, iya rumo pe avɨter pɨpe sui mba'e porañete ipokopɨ va'e pemboyekwa pe reko mbegwemisa iyavei pe rekoasɨ e'ɨ̇sa pɨpe. Evokoi nungar avɨye katu ite Tüpä rovake.

Esepia aipo e'i Ikwachiaprɨ pɨpe: “Akoi vɨreko pota va'e gwekokwer teko katuprɨsa pɨpe, pemombɨtu'u aveira peñe'ë raisa iyavei ndapeporombopai chira. Pepoi mba'e naporäi va'e sui iyakatu rumo peyapora mba'e avɨye va'e, peseka teko tuprɨsa peyeupe narä pegwata supi.

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe. Oyapose ava mba'e tëi peü, anise oñe'ë raise, ndapemboyevɨi chira chupe. Iyakatu rumo mba'e tuprɨsa pɨpe pemboyevɨra chupe, evokoi nungar mba'e apo agwä rese ni'ä Tüpä pe poravo porovasasa pɨsɨ agwä.

¿Ava pi'ä oikatura mba'e tëi apo yuvɨreko peü, esepia pekere'ɨ̇ño ite mba'e avɨye va'e apo yepi?

Pepoi mba'e naporäi va'e sui iyakatu rumo peyapora mba'e avɨye va'e, peseka teko tuprɨsa peyeupe narä pegwata supi.

Tüpä oipotase pe yemombaraɨsu, avɨye katu mba'e avɨye va'e apo pɨpe yepi mba'e tëi apo rägwer sui.