Popular Bible Verses from 1 SAN JUAN 2

Share

Ani pesaɨsura mba'e ɨvɨ pɨpendar, ani chiaveira pesaɨsu ɨpɨpendar mba'e. Akoi osaɨsu va'e mba'e ɨvɨ pɨpendar tëi, a'e ndosaɨsui yande Ru Tüpä yuvɨreko; esepia opakatu ko mba'e tëi nda'ei yande Ru Tüpä suindar, a'e rumo ko ɨvɨ pɨpendar tëi. Ko ni'ä omboyekwa ava rekokwer ɨvɨ pɨpendar: opakatu yande pɨ'añemoñeta raisa, yaipota va'e sese yama'ese, iyavei opakatu yande rembiereko rese yande yemboɨvateai tëisa.

Ko ɨvɨ pɨpendar ava opa itera okañɨ, mba'e tëi potaraisa aposa pɨpe; akoi ava oyapo va'e rumo Tüpä remimbotar, yuvɨrekoira apɨre'ɨ̇ va'erä ite.

akoi aiko tuprɨ Tüpä rese e'i va'e, a'e sekoira inungar Jesucristo.

Che ra'ɨreta, ko aikwachia peü pe angaipa e'ɨ̇ agwä. Yepe oime ava oyemboangaipa va'e pe pa'üve yuvɨreko viña, yareko rumo yande pɨtɨ̇vɨïsar yande Ru rovai. A'e Jesucristo seko ɨ̇vi va'e.

Oime aipo e'i va'e amove: “Che aikwa Tüpä”, nomboavɨyei rumo iporokwaita, a'e semiräñeteai va'e, ndovɨrekoi mba'e supi tuprɨ va'e oyese.

Akoi yamboyeroyase Tüpä porokwaita, a'ese yaikwa tuprɨ katura sekokwer avɨyesa.

Oime amove ava che aiko tesapesave e'i tëi va'e; a'e rumo oyamotare'ɨ̇ño ambuae omboetasa Tüpä reroyasar, evokoi nungar rekokwer pɨ̇tümimbisave tëi vɨte sekoi.

¿Uma pi'ä semiräñeteai va'e? A'e akoi Jesús nda'ei Poropɨsɨrösar e'i va'e. A'e Cristo amotare'ɨ̇mbar yuvɨrekoi, esepia ndovɨroyai yande Ru Tüpä Ta'ɨrɨ avei yuvɨreko.

Akoi ava ndovɨroyai va'e Tüpä Ra'ɨrɨ, ndovɨroyai avei yande Ru Tüpä; akoi vɨroya va'e Tüpä Ra'ɨrɨ, vɨroya avei yande Ru Tüpä.