Popular Bible Verses from 1 CORINTIOS 15

Share

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

¡Avɨye Tüpä upe, esepia ombou yande Yar Jesucristo rupi yandeu angaipa mokañɨ agwä!

Peyembopa ukai eme evokoi nungar ava upe: “Esepia ava naporäi va'e pɨri peikose, a'e evokoiyase vɨrovara pe reko tuprɨsa yuvɨreko.”

Che rumo Jesús ñe'ë mombe'usar aiko, esepia Tüpä oyapo mba'e avɨye va'e ite cheu; iyavei che rovasa oiko evokoiyase che rekokwer osekuñarö sereko. Ichui che aporavɨkɨ katu opakatu ambuae Jesús ñe'ë mombe'usar sui. Nda'ei rumo cheyesui tëi egwë a'e vichiko, Tüpä rumo che pɨtɨ̇vɨï oporovasasa pɨpe.

¿Manosa kevo, nde pirätäsa sekoi? ¿Manosa kevo, nde porapichisa sekoi?” Angaipa ni'ä inungar mba'e popiar omoime va'e manosa yandeu. Moisés porokwaita araka'endar evokoiyase ombou pirätäsa angaipa upe angaipa aposar mokañɨ uka agwä.

Che aipota peikwa va'erä ko mba'e oyekwa ramo va'e Tüpä suindar: Nda'ei chira opakatu yamano, opakatu rumo yande rete avɨyeteramo tëiete sekuñarösapara mimbɨ moñe'ë ipa va'e pare yande resapɨ'ara inungar yande resapikɨ va'e. Esepia mimbɨ imoñe'ësara, omano va'ekwer kwerayevɨ agwä ipare nomano iri va'erä yuvɨreko; yande evokoiyase yande rete opara sekuñarösa.

Esepia ñepëi ava rembiapo sui oime manosa yandeu, evokoiyase ñepëi ava rembiapo sui avei oime kwerayevɨsa. Esepia inungar akoi Adán rembiapoai sui ava opakatu omano yuvɨreko, egwë e'i aveira Cristo rembiapo sui opakatu ava sese yuvɨrekoi va'e vɨrekora tekovesa yuvɨreko.

Esepia ko yande rete okañɨ tëi va'erä ipare rumo ndokañɨ iri chietera, iyavei yande rete okañɨ tëi va'erä ipare rumo opara oñekuñarö apɨre'ɨ̇save narä kuri.

Esepia Cristo rane ite oporokwaira oiko akoi Tüpä opase voi ete omondo opakatu yamotare'ɨ̇mbar ipovrɨve; a'ese avei manosa ipa va'e ndikwa iri chietera.