Popular Bible Verses from 1 CORINTIOS 10

Share

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

Iyakatu rumo pe'use mba'e, peɨ'use avei, anise mba'e peyapose, peyapo ru opakatu Tüpä mboeteisa pɨpe.

Sese, akoi ava oyeeko movɨräkwä tuprɨ pota va'e, toñearö katu ovɨapi e'ɨ̇ va'erä mba'e tëi pɨpe.

Oime pe pa'ü pendar aipo e'i va'e: “Yaikatu ite mba'e apo agwä yande remimbotar rupi.” Supiete avɨye egwë ya'e, nda'ei rumo opakatu mba'e avɨye va'e ipɨpe. Avɨye ite ni'ä yayapo mba'e yande remimbotar rupi, ipɨpe sui rumo nda'ei opakatu yande pɨtɨ̇vɨï Cristo rese yande reko agwä.

Ndapesekai chira mba'e avɨye va'e peyeupe narä tëi, pesekara rumo ambuae ava upe mba'e avɨye va'e.