Popular Bible Verses from က︀လ︀ႃတ︀ိ 5

Share

ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭဝ်းꩡ︀ွမ︀်းက︀ီး မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈꩭၢက︀်ႉပ︀ိူꩫ︀်ႈ၊ ဢ︀ꩫ︀်ႈꩡ︀ူမ︀်းꩭုမ︀်၊ ဢ︀ꩫ︀်ႈတ︀င︀်းပ︀ိူꩫ︀်ႈထုက︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈယ︀ၢဝ်း၊ ဢ︀ꩫ︀်ႈꩫ︀ီႈပ︀ိူꩫ︀်ႈ၊ ဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ၊ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊ ဢ︀ꩫ︀်ႈဢ︀ူꩫ︀်ႛဢ︀ွꩫ︀်င︀ႆ︀း ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛထိꩫ︀်ပ︀ီꩫ︀်ႈꩫ︀ႆ︀ႇၵ︀ဝ် ဢ︀ဝ်ႈယ︀င︀်းꩭႂ်ႛဢ︀ူ။ တ︀ၢင︀်းက︀ႅင︀်းၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩬ︀ိꩫ︀်ဢ︀ꩫ︀်ႈလ︀ႂ်ႈက︀ေႃႇ ꩵ︀ႈꩭၢမ︀်ႛ။

က︀ဝ်ႈဝႃႈက︀ွတ︀်။ တ︀ူဝ်ႈꩡ︀ႂ်ႈꩬ︀ူမ︀ႆ︀ႛ ꩭႂ်ႛၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛထိꩫ︀်တ︀ႃႉ။ င︀ႆ︀းက︀ီး ꩬ︀ူꩡ︀ႂ်ႈꩫ︀ိူဝ်ႇꩫ︀ိူတ︀်ႉမ︀ႆ︀ႛ ꩵ︀ႈꩡ︀ွမ︀်းဝၢင︀်။

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ွꩫ︀်ꩭဝ်းမ︀ႆ︀ႛဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩬ︀ိုင︀် တ︀ူဝ်ႈꩡ︀ႂ်ႈꩭဝ်းမ︀ႆ︀ႛ ထုက︀်ꩫ︀ီႈꩭႂ်ႛထိꩫ︀်ꩫ︀မ︀်။

က︀ူꩫ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛင︀ႆ︀း ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈယ︀ဝ်ႇꩰ။

တ︀ၢင︀်းက︀ႅင︀်းက︀ူꩫ︀်းဢ︀ꩫ︀်ႈꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛ ꩡ︀ွမ︀်းတ︀ိက︀်ꩰꩫ︀ႆ︀ႇၵ︀ဝ်ယ︀ႃႇ ꩭဝ်းတ︀ွင︀်းꩬ︀ႃႚꩬ︀ႃႚꩫ︀မ︀်။ ၵ︀ဝ်ယ︀ႃႇ ၸ︀ိတ︀်က︀ႃႛမ︀၊ ၸ︀ိတ︀်ၸ︀ူဝ်ၸ︀ိတ︀်မ︀ေးပ︀ိူꩫ︀်ႈ၊ လ︀ွင︀်ႈက︀ႃႛမ︀မ︀ႆ︀ႛၸ︀ိင︀်ႛပ︀ႅင︀်ႈမ︀ဝ်ယ︀င︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ဝ်ႈလ︀ႆ︀ၢးၸ︀ိုဝ်ႇꩬ︀ိုဝ်ꩭီတ︀်က︀ꩫ︀်ႈ၊ က︀ႅမ︀်ပ︀ိူꩫ︀်ႈလ︀ူႇက︀ꩫ︀်ႈ၊ ꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ၵ︀ႂ်ႈဢ︀မ︀်ꩬ︀ႃက︀ꩫ︀်ႈ၊ က︀ၢက︀်ႉꩡ︀ႂ်ႈက︀ꩫ︀်ႈ၊ က︀ၢက︀်ႉၸ︀ုင︀်က︀ꩫ︀်ႈ၊ ꩬ︀ူꩥ︀်ႛက︀ꩫ︀်ႈ၊ က︀ိꩫ︀်ႈလ︀ဝ်ႛမ︀ဝ်ႇက︀မ︀်ႈက︀ꩫ︀်ႈ၊ ꩭီတ︀်ပ︀ွႆ︀းပ︀ိဝ်က︀ႃႛမ︀က︀ꩫ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်ꩫ︀ီႈတ︀ၢင︀်ၸ︀ꩫ︀်း ꩫ︀င︀်ၸ︀ꩫ︀်းဢ︀ꩫ︀်ႈꩫ︀ႆ︀ႇၵ︀ဝ်ꩫ︀မ︀်။ ꩬ︀ူမ︀ႆ︀ႛ ꩫ︀င︀်မ︀ိူဝ်ႈင︀ႃးပ︀ုꩫ︀်ႛ က︀ဝ်ႈꩭႂ်ႛꩬ︀တ︀ိမ︀ႃးꩫ︀က︀ꩫ︀်ႈ င︀ႆ︀ႚက︀ေႃႇꩭႂ်ႛꩬ︀တ︀ိဢ︀ိက︀်က︀ွတ︀်။ က︀ူꩫ︀်းဢ︀ꩫ︀်ႈꩭီတ︀်ၸ︀ꩫ︀်းဢ︀မ︀ႂ်းꩫ︀ႆ︀ႇၵ︀ဝ်ယ︀ႃႇ ဢ︀မ︀ွေဢ︀ꩫ︀်ႈဢ︀ူမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛ။

ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းလ︀ွတ︀်ႉꩫ︀ႆ︀ႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ွတ︀်ႉယ︀ဝ်ႇꩫ︀ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛယ︀ႃႇ ꩬ︀ူပ︀ီꩡ︀ွမ︀်းဝၢင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈမ︀ႅတ︀်ႉတ︀ႃꩬ︀ိုင︀်ꩡ︀ွႆ︀ႈက︀ꩫ︀်ႈတ︀ႃႉ။

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩭဝ်းယ︀ႃႇ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ၢꩫ︀်တ︀ၢꩫ︀်းꩬ︀ီ ဢ︀လ︀ၢင︀်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩭဝ်းမ︀ႆ︀ႛꩬ︀ၢꩫ︀်တ︀ၢꩫ︀်းဢ︀ူ။ ꩬ︀ွင︀်ဢ︀ꩫ︀်ႈꩫ︀ႆ︀ႇယ︀ႃႇ ပ︀ီꩫ︀်ႈလ︀ꩫ︀်ꩬ︀ူက︀ꩫ︀်ႈꩫ︀ႆ︀ႇꩬ︀ီ ဢ︀ꩫ︀်ႈꩫ︀င︀်ꩬ︀ူၵ︀ႂ်ႈꩭီတ︀်ꩫ︀ႆ︀ႇꩭီတ︀်ꩵ︀ႈꩫ︀ႆ︀ႛ။

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ူဝ်ႛꩬ︀ိꩫ︀်ဢ︀ꩫ︀်ႈ “က︀ူꩫ︀်းꩭိမ︀်းꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩫ︀က︀ꩫ︀်ႈꩭၢက︀်ႉတ︀ႃႉ” ꩫ︀ꩫ︀ႆ︀ႇမ︀ႆ︀ႛ ꩬ︀ူထွမ︀်ꩡ︀ွမ︀်းက︀ီး က︀ျမ︀်းꩬ︀ိꩫ︀်တ︀င︀်းမ︀ိူင︀်းမ︀ႆ︀ႛ ꩡ︀ွမ︀်းယ︀ဝ်ႇꩰꩫ︀က︀ꩫ︀်ႈꩫ︀မ︀်။

င︀ႆ︀းꩫ︀ႆ︀ႇꩬ︀ီ ပ︀ီၵ︀ီင︀်မ︀ႃꩫ︀ႃႉက︀ꩫ︀်ႈ၊ ပ︀ိူꩫ︀်ႈမ︀ႆ︀ႛပ︀ီဢ︀ဝ်ႈတ︀ေႃးꩬ︀ႃးက︀ꩫ︀်ႈ၊ ပ︀ီꩬ︀ူꩥ︀်ႛက︀ꩫ︀်ႈယ︀ဝ်ႇ။

ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။