Popular Bible Verses from Mataio 16

Share

Oi na vāgana atu ai ia Iehu ki ona hoko, “Kāfai he tino e fia mulimuli mai kia te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai kia te au.

Ma e lea atu au kia te koe, ko koe ko Petelu, ma i luga o te papa tēnei ka fakatū ai e au taku Ekalehia, ma e pa ki te mālohi o te oti ka hē ia mafaia oi fakatōkilalo.

Ka kō tuku atua kia te koe nā kī o te Mālō o te lagi; ko nā mea e fakahā e koe i te lalolagi ka fakahā i te lagi, ma ko nā mea e fakataga e koe i te lalolagi ka fakataga i te lagi.”

Auā ko ai lava e mānumanu ki tona ola, ka hē ia maua; kae ko ai lava e māumau tona ola ona ko au, ka maua e ia.

Heā nei te aogā kāfai e maua e he tino te lalolagi kātoa kae māumau ai tona ola? E hēai lele he mea e fokotahi e mafai ke fōki e he tino ke toe maua ai tona ola.

Kua fehili atu ia Iehu kia te kilātou, “Kae e vēhea ake la koutou? E lea koutou ko ai au?” Na tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu kia te koe e toku Tamana i te lagi.