Popular Bible Verses from Luka 6

Share

Fōki ki iētahi tino, oi ka fōki atu ai kia te koutou e te Atua. E moni lava ka toe maua kātoatoa e koutou nā mea kua fōki e koutou mo iētahi tino—ki te mea e gata ai te mafai e koutou oi tāofi. Auā ko te fua e fakaaogā e koutou, ko te fua foki ia ka fakaaogā e te Atua mo koutou.”

Ko te tino lelei, e fakaputu i tona loto nā mea lelei e vē ni koloa tāua, ma e ia faia nā mea lelei mai te lahi o te lelei i tona loto; ko te tino kino e fakaputu i tona loto nā mea kino e vē ni koloa kino, ma e ia faia nā mea e kino mai te lahi o te kino i tona loto. Auā e tautala te gutu i nā mea e tumu ai te loto.

Kae alolofa ki nā fili o koutou ma fai lelei ki ei; fōki autou mea ke fakaaogā e kilātou e aunoa ma he koutou manatu ke toe maua mai he mea. Oi ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Koutou la ke agalelei ki iētahi tino, e vē ko te koutou Tamana e agalelei.

“Nahe koutou fakamahino atu ki iētahi tino, kae ke hē fakamahinoa ai koutou e te Atua; nahe koutou taku halagia iētahi tino, kae ke hē taku halagia ai foki koutou e te Atua; fakamāgalo iētahi tino, oi ka fakamāgalo ai foki koutou e te Atua.

“Kae ko au e lea atu kia te koutou e fia fakalogo mai kia te au: alolofa ki nā tino e fai koutou ma o lātou fili, ma fai lelei kia te kilātou e ita atu kia te koutou. Fakamanuia kia te kilātou e fetukua koutou, ma tatalo mo kilātou e fakahāuā kia te koutou.

Fai mo iētahi tino e vē lava ona fofou koutou ke kilātou faia mo koutou.

Kāfai tō pākōkō e po e he tino, fufuli ki ei tētahi pākōkō; kāfai tō peleue e kave e he tino, fōki ki ei ma tō kofutino. Fōki ki ho he tino e gogō atu ki hau mea; ma kāfai hau mea e kave e he tino, koe nahe lea ki ei ke toe kaumai.

“Ko te lākau e ola lelei, e hē fua mai ai ni fua e kino, e hē fua mai foki i he lākau e ola kino ni fua e lelei.

Ko nā lākau takitahi uma e iloa i o lātou fua; e hē kē taua ni fuāmati pe ni fuāvine mai ni lākau tālatala.