Popular Bible Verses from Levitika 26

Share

Ma ko au ka i ei pea lava ma koutou; ka fai au ma outou Atua, ma ka kavea koutou ma oku tagata.

ka kaumai e au nā ua i to lātou taimi tatau, ma ka fua mai ai e te fenua ona haito, ma e nā lākau kaina o lātou fua e lahi.

“ ‘Kāfai koutou e mulimuli ki aku vāiniuga ma tauhi ki aku fakatonuga

“ ‘Ka fōki atu e au te fīlēmū ki te fenua, ma ka tākokoto koutou ki lalo ma momoe lelei ma hēai he mea e mātataku ai koutou. Ka kave kehe e au nā manu fekai i luga o te fenua, ma e hē toe i ei foki ni taua i kinā.

“ ‘Ka fakamanuia e au koutou ma fōki atu ni autou fānau e tokalahi, ma ka tauhi lava au ki taku feagaiga na fai ma koutou.

Ko au ko te ALIKI te koutou Atua, tē na kaumaia koutou mai te fenua ko Aikupito kae ke nahe faia ai koutou ma a lātou pologa. Kua talepe e au te mālohiaga nae tataoa koutou ki lalo ma kua mafai ai koutou ke hāvavali ma outou ulu e hiki ki luga.

Ko au ka nofo i te mea e iei koutou i toku Falekie Tapu, ma ka hē teteke lele au kia te koutou.

“ ‘Nahe faia e koutou ni tupua, pe tā ni fakatuha, pe fau ni poutū fatu, pe vane ni fatu ke tāpuaki koutou ki ei. Ko au ko te ALIKI te koutou Atua.

Ko te lahi lele o te fuata ka fakaputu mai e pa atu ki tētahi tauhaga koi totoe lava ma tatau ke fakaātea kehe mo te fuata fōu.

E toka lima ni tino o koutou ka tuliloagia he toka helau o kilātou, ma e toka helau o koutou ka tuliloagia he toka hefuluafe o kilātou, ma ko nā fili o koutou ka tāmate i te pelu.

Ko te lahi lele o te fuata o autou fātoaga e pa atu ki te taimi e tau ai nā fuāvine ka koi helehele lava te haito, ma ka koi tau mai e koutou nā fuāvine ka kua pa ki te taimi e tatau ke totō ai te haito. Ka maua e koutou nā mea uma e manakomia ke kakai ai koutou, ma nonofo i te fenua o koutou ma te haogalēmū.

Ka tuliloa e koutou nā fili o koutou ma tafahi mate i te pelu.

Tauhi ki oku Hāpati ma fakamamalu toku nofoaga paia. Ko au ko te ALIKI.