Popular Bible Verses from Kenehe 39

Share

Nae fakatahi pea lava te ALIKI ma Iohefa ma na fakamanuia e ia i ana mea uma nae fai; ma nae nofo i te fale o tona matai Aikupito.

Oi na tuku ai e Potifala nā mea uma a ia ke pule e Iohefa, ma e hēai lele hētahi mea na popole ia ki ei; oioti lava te mea nae fano ki ei tona māfaufau ko nā meakai a ia. Ko Iohefa nae tino lelei lele ma matagali.

Na tuku ai e ia ia Iohefa ke kikila e ia nā pāgotā uma i te falepuipui, ma ke ia faia nā tonu ki ho he mea e fai i loto o te falepuipui.

Ma na fakatonu ai e ia ke kave ia Iohefa oi loka i te falepuipui e tuku ai nā pāgotā a te tupu, ma na nofo ai lava i kinā. Ka ko te ALIKI nae fakatahi pea lava ma Iohefa ma fakamanuia e ia, ma na fai ai ma mea na fiafia ai kia Iohefa te pule o te falepuipui.

Kua mataloa mālie he taimi, oi na kāmata ai kua fofou te āvaga a tona matai kia Iohefa, ma na lea ai kia Iohefa ko kilāua ke momoe. Kae na teteke e Iohefa ma lea vē atu ki ei, “Kikila, e hēai lele he mea i loto o te fale e popole ki ei toku matai, auā ko au e i kinei. Kua tuku mai e ia nā mea uma a ia ke pule au ki ei. Kua tutuha lava taku pule i loto o te fale tēnei ma tana pule, ma e hēai he mea kua ia tāofia mai ia te au, vāganā ai lava koe. E vēhea la ona kō faia he mea kino vēnā e agahala ai au ki toku Atua?”

Kae i tētahi aho, na fano ai ia Iohefa ki loto o te fale oi fai ana gāluega e vē ona māhani ai, ma nae hēai lele hētahi kaukauna nae iei. Kua tāofi e te āvaga a Potifala te kie nae hulu ai ia Iohefa ma lea vē atu ki ei, “Hau tā momoe.” Kae kua oho ia Iohefa ki fafo o te fale, ka kua tāofi lava e te fafine te kie i tona lima.