Popular Bible Verses from Ehoto 32

Share

I te kiteaga e tagata ko Mohe ko hēki fanaifo lava ki lalo mai luga o te mauga, kae kua nofo lava i kinā mo he taimi mataloa, oi na ōmamai ai kia Alona ma lea vē mai ki ei, “E hē kimātou iloa pe ko heā te kua tupu ki te tagata tēnei ko Mohe, tēia na takitakia kitātou mai Aikupito. Ko te mea la ia, fai e koe he atua ke ia takitakia kitātou.”

Ma na vāgana mai ai te ALIKI kia Mohe, “Fano vave loa ki lalo, auā ko tagata o koe, iēia na kē takitakia ki fafo o Aikupito, kua fai e kilātou te agahala ma kua teteke mai kia te au. Kua vave lele to lātou liliu kehe mai te ala na kō fakatonua kilātou ke mulimuli ki ei; kua fau e kilātou i te aulo na fakaliu, he punuāpōvi poa, ma kua tāpuaki kilātou ki ei ma ofo atu ki ei nā tāulaga. E lea kilātou, ko to lātou atua tēnā, na takitakia kilātou ki fafo o Aikupito.

Oi na fau ai e Alona he fata faitāulaga i mua o te punuāpōvi poa aulo, ma fakailoa vē atu ai e ia ki tagata, “Ko tāeao e fai ai te kaiga fakamanatu ki te ALIKI.” I te tāeaopō o te aho na hohoko ai, na kaumai ai e kilātou nā manu mai a lātou lafumanu ke huhunu ma tāulaga, ma iētahi ke fai ma tāulaga mo te māfuta fakatahi. Oi na nonofo ai ia tagata ki lalo oi kakai ma inu, ma tutū ki luga oi hihiva i ni hiva mātagā ma fakatōhina.

I te aho na hohoko ai na lea atu ai ia Mohe ki te nuku o Ihalaelu, “Kua fai e koutou he agahala mātuiā. Kae i te taimi nei, ko au ka toe fano ki luga o te mauga ki te ALIKI; ātonu e i na ka mafai ke maua e au he fakamāgaloga mo te agahala a koutou.”