Popular Bible Verses from Ehoto 15

Share

Na vāgana vē atu te ALIKI kia te kilātou, “Kāfai koutou e uhitaki kātoatoa mai kia te au ma koutou faia nā mea e hako i taku kikila, ma mulimuli ma tauhi ki aku fakatonuga ma aku vāiniuga, ka hē kō fakahalā koutou i nā tauale na kō tuku atua ki nā tino Aikupito. Ko au ko te ALIKI, tē e ia fakamālōlōa koutou.”

Ko te ALIKI ko toku mālohi ia ma ko taku pehe, ma kua kavea ia ma oku fakaolataga. Ko ia ko toku Atua, ma ka viviki au kia te ia, te Atua o toku tamana, ma ka pehe ai au e uiga ki tona mālohi hilihili.

“Ko ai nei o nā atua e vē ko koe, te ALIKI? Ko ai nei e mamalu ma e paia e vē ko koe? Ko ai te faia ni vāvega ofōfogia, e vē oi fai e koe?

“I tō alofa fakamāoni na kē takitakia ai nā tino kua toe fakatau mai e koe; i tō mālohi e kē takitakia ai kilātou ki tō nofoaga paia.

Oi na tau atu ai kilātou ki he nofoaga e igoa ko Malaha, kae ko te vai nae iei nae hē mafai ke inu auā e mamala. Ko te mea ia na fakaigoa ai ko Malaha. Ma kua mūimui nā tino kia Mohe, ma lea vē, “Heā nei ta kitātou ka inu?” Kua fakatagi ia Mohe ki te ALIKI mo he fehoahoani, ma na fakahino ai ki ei e te ALIKI he mea lākau. Kua togi e Mohe te mea lākau ki loto o te vai, oi na toe lelei ai te vai ke inu. I kinā na tuku atu ai kia te kilātou e te ALIKI ni tūlāfono ke takitaki ai o lātou olaga, ma ko kinā foki na tofotofo ai kilātou e ia.