Popular Bible Verses from 2 Kolinito 9

Share

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

E tatau la koutou tau toka tahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

Ke manatua e koutou, ko te tino e taigole ana fatu e totō, ka vēnā foki oi taigole na fua e ia helehelea; ka ko te tino e lahi ana fatu e totō, ka vēnā foki oi lahi na fua e ia helehelea.

Ma ko te Atua, tē e ia kavatua nā fatu lākau ki te faifātoaga ma nā meakai, ka ia kavatua foki kia te koutou nā fatu lākau uma e manakomia e koutou, ma fakaolaola e ia ke maua ai ni fua e lahi lele mai te limatō o koutou. Ka fakatamaokāiga koutou e te Atua i ho he mea, ma mafai ke tūmau ai pea te koutou limatō, kae ke tokalahi ai nā tino e fakafetai ki te Atua, kāfai e tukulima atu ki ei e kimātou, autou meālofa.

Tātou fakafetai ki te Atua ona ko tana meālofa tāua lahi.