Popular Bible Verses from Lomɛ̂ 7

Share

Mimyaŋla nɛ Zɛɛ̄mb, nyɛ mot wā zī tii mɛ́, ɛ tháŋ tí kɔŋ mí Yésus Kilís Ɗá káwūnā ɔ̂. Nák ɛ́, mi tí ɛɗúɛl lɔ́a mí Zɛ̌mb nɛ pek yâm. Sá gwát, tí ípúnd ɓyám ɛ́, mí ɗūɛ̄l lɔ́ǎ sɛ̄m.

Mi tí gú nāá, twóó myam, mí kam ɛ́lɛ́ɛ́ tí nól ípúnd mí ɗí ték ékɛ́, nāá, ma a ɓɛ̄ nɛ lyém ɛ́sá ɛ́nwɔŋ. Í kǔ ceece nāá, mi nɛ njeā nāá, mi sâ ɛnwɔŋ, sá gwát khul ɛsá nyá a ɓɛ̄.

Nɛ dɔ nāá, tɛ́m mí kpɛ́l ɛ́sá ɛ́nwɔŋ ékɛ́, mā ā sā lɛ̂. Sá gwát ɛɓyôo ɛ̄ mí ɗí ta kpɛl ɛ́sá lík ɛ́, lɛ́ mí dā sá ê.

Í ɓɛ̄ phɛ̄ nāá, mí sā yīl ɗí nāá, mā ā kpɛ́l é nâk, pha yá a ká ɓɛ myám ɗí tí ɛsá sá têk, í sɛ̄m ɗí twóó myam ékɛ́ ɗí tí ɛtínd mɛ̂.

Í ɗyaāŋ sá ték mú mɛ ɗɛ ŋgúma lɔ́a ê. Lɔ́a ték í nāá, tɛ́m mí kpɛ́l ɛ́sá ɛ́nwɔŋ ékɛ́, mí dākā sûkla ɛ́sá ɛ́ɓyôo. Nɛ dɔ nāá, twóó lyém wám ɛ́, mi tí kpɛl lɔ́a mí Zɛɛ̄mb.

Mí sā sá mí ɗí ta kpɛl ɛ́sá é nâk, náǎŋ ī tí ɛlyákɛl nāá, mí í kam nāá, lɔ́a ī tí nwɔŋ.