Popular Bible Verses from Rom 2

Share

Mo kí dzəə̀n bey, a dzə̀ wò wo à roomè wír fo vinyò vee shooy, kfə̀n yii sa víwun, à wàa kwàʼtì ji dzə̀ à wìy bòy fo ŋgeʼ ye Nyùy wíy fo moó le? A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

A tàm wìr lo lèn, wù wàa roòmè wír ve á yii kfə́ə vinyò vee bey. Wò woo ŋgaà roòmè, kù yòʼ a kiíy ji à kér sa nsaʼ, a fə̀m dzə̀ wò la. Mo à roomè bèy, kfə̀n yii víwun vee vinyo, à roomè a dzə̀ á wo woo jay.

Á mo wíri wíy a koóy a dzə̀ mo áwune‑eè yiìn, bìʼ fo Nyùy yii tínen nsaʼ wìr dzə̀m réŋréŋ mo yì dzəə̀n, a bó wù yòʼ nyaʼ wír.

A kí dzə̀ bey, bìʼ fo bó yòʼ dzə̀ wìr ghèén fo Nyùy ji wù kì nsər Nyùy. A dzə̀ nsaʼ kù ràn wun cáʼcáʼ bìʼ fo wù lem nsər yee shooy.

A dzə̀ jii, wíy lòo dzə e kishiíy foo fèy, é Nyùy wáa fo ké wìr réŋréŋ mo wù yiìn.

Lóo dzə wír wo wù‑uù rə́si kfə́, táv a dzə̀ kitú, ŋwáy kinyo ke dzəə̀n ke ru kí, tíy a dzə̀ e vé kisaŋ vi, é Nyùy nèn dìn mo wù shwiiy kilòŋ fó vinyò foo fèy, e fò ké ŋgaàŋ a dzə̀ lòn wo biibií.

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.