Popular Bible Verses from Rom 11

Share

Vifá vidzə̀m vi‑iì fèr wun woo Nyùy, a yiì wun, bo ví wáa dzə, a kér wun vifá vee shooy. Vèsən kú a burí Nyùy ghán sidzə̀m. Amen.

Vèn ku yèn búʼú mo Nyùy koŋ wíri, rə́r mendzən mev é ŋàŋ. Vifií və́ ví dzə̀ vigháʼán, a wù kì vinyo vidzə̀m. A bó yòʼ dzə̀ wìr kìíy mo wù lo, wù kwàŋ kinyo kfə́, a bó yòʼ dzə̀ wír wù kìíy sá mo wù yii vinyo ve wù yii.

A dzə̀ mo vé‑eè saŋen é Ŋwàʼ Nyùy jii: «Wìr wo dzə̀ wù kìíy kinyo ke Nyùy kwaʼtì dzə̀ la? A dzə̀ tìr la wun mo wù wáa yiì vinyo?

Kù dzə̀ réŋréŋ mo Nyùy kér sa ámóʼó vee wír fo veé Israyí mvəm é ghan see lèn sìn. A dzə̀ wír ve wù‑uù shoʼon ji və́ mo wù‑uù rərin mendzən fo fo, e bùʼ. Mo wù‑uù bùʼùn áwune búʼun ji wír və́, bo bó yòʼ dzə̀ bìʼ lim yímóʼó ye vé‑eè yiìn. A dzə̀ ji wù bùʼ wír bìʼ kinyo ke ŋgaàŋ yiìn, bo bó kee shooy ki yòʼ dzə̀ə́ mbùʼmé.

Wír veé Israyi nén a dzə moo kicí ke Nyùy bìyìn, kí kúy, a koóm. A ven ve bó yòʼ dzəə̀n wír veé Israyi dzə̀ kén moo kicí ke kí kúy kuyín é kwaʼ, a bó á yòʼ yii kfə́rí. Nyùy nen faàrì símóʼ see tám fo wǔn kici fey, e lì ven, e bàrír fo, vèn wáa nyoŋ mendzə́v fo kicí kee shooy kí wùn, a koóm. Kí nén a dzə jii, lá vèn yòʼ a ŋàʼ, a nyàysì a tám se á faàrìn siy. Vèn wáa kuumé jii, tám see shooy si lò fo kici fóo fèy, a yiì gháŋ kici kee shooy, bo vèn wáa koóm, bó yòʼ yiì yén yee gháŋ.