Popular Bible Verses from Matio 7

«Vèn lóo bùnrì, vèn wàa lon, é Nyùy fó. Vèn wáa tàʼ, é Nyùy yii, é vèn yén. Vèn wáa kùmrì shúu lavi, é Nyùy mvəʼ, é vèn nəə́.

Vèn wáa kiíy jii, wìr wo wù kooy kifá dzə̀ á wo wù lóné. A wìr wo wù taʼ kifá yíi yen, aá mvəʼ shúu lav, é wìr wo wù kumrì nəə́.

«Vinyo vìn vidzə̀m vi nén a dzə jii, a wìr yuúri vinyo ve m tír wíri shó vìn, yii mo ví dzəə̀n, bo ŋgaàŋ fìír feyì moo wír wo wù‑uù baʼrì lav, e wày kinsə̀ŋ a dzə̀ é kitu ke kilan.

«Kidzə̀m ki wáa dzə jii, vèn wáa yiì kinyo e wíri, a dzə̀ sá ke vèn koŋ ji á wáa yiì e vèn. Kee shooy ki tàtí kinyo ke Mooser wùn aàŋgàa ntum Nyùyi suuy kidzə̀m.

Shuu wo wú nəə kfə́ a dzə̀ é dzə̀ʼə̀m yee là mayi nen dòr é ŋàŋ, dzəə̀ yee fó wáa làynìn, a bó wíri yòʼ yén anín.

«Vèn wáa tàʼ dzəə yùv a dzə̀ fó shuù wo wú fárninè. Shuu wo kuʼùné nəə a dzə̀ é və̀y, a dzəə̀ dzə̀ fó e táʼámén, a wíri shaa sho nyanyày.

Kí nén a dzə jii, mo vèn dzəə̀n wír ve á kù yii vinyo ve bi ví, a vèn kù yòʼ kiiy mó a fo vifá ve juŋ vi e wón véné, bo dzə̀ Tàr won wo wù dzəə̀n é yuv fò vifá ve juŋ vi e wír ve á lón fo wune, e fò féyì, e shaà ven.

«Vèn wáa yen fó a roòmè wír fo Nyùy wáa roòmè sa ven. Vèn wáa kiíy jii, mo vèn roomè wír, bo kù dzə̀ mo Nyùy wíy a roòmè sa ven. Wù kù wíy a yiì kinyo e wìr réŋréŋ mo ŋgaàŋ yii e wír ámóʼó.

Wìr wáa yuurí kfə́, e làa yòʼ a yiì mo m suuyì, bo ŋgaàŋ yùŋsí moo wír wo wù‑uù baʼrì rə́ə yee lav a dzə̀ é kitu ke siy.

Mo kí dzəə̀n bey, bìʼ ka mo nsay sə́ti sí wìr, wù kù a gheemé ji wun leéy shisám she nsay she shí toon e fər və́ si? Wù lo, wù nèn sùúy e fər və jii, wù tiím, é wun fəə́r shinsay shìy fo wùn si. A dzə̀ wù fə̀ə́r é le, a nsay si sə́tí ne rə́ yee sí?

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì. Vèn wíy kiíy aŋgaàŋ a dzə̀ fó liì wo á kérí, réŋréŋ mo á yii kiiy tíŋ kifa a dzə̀ fó kifa ke kí koom sho. Bó yòʼ dzə̀ á kòy shinyáʼ fo tiŋ kilun, a bó yòʼ dzə̀ sá á kòy bíy fó kici ké nshùn.

A kicí kí dzə̀ ke dzə̀ á kfə̀r, kí kòóm kifá ke juŋ ki. Wáa dzə ke bó yòʼ dzə̀ á kfə̀r, kí kòóm a dzə̀ kifá ke bi kí.

A bó yòʼ dzə̀ kicí ke dzə̀ á kfə̀r kí kfə̀n kòóm kifá ke bi kí. A bó yòʼ dzə̀ sá ke bó á yòʼ yii kfə́r ki lò, e kòóm kifá ke juŋ ki.

Lóo dzə vicí ve bó ví yòʼ koom vifá ve juŋ vi, á gwàr vee shooy vidzə̀m, a tòn tònèn.