Popular Bible Verses from Matio 5

A bó wìr yòʼ yii səʼ sa lam, wù kfə̀n lì mbìʼ, e sùm sho. Wù kù yii tiir a dzə̀ é kitu ke kifa ji wú fíʼ a kàʼày wír ve á dzəə̀n é lav adzə̀m. Kù dzə̀ sá mo vèn wáa fo rán e wíri. Vèn wáa dìn wíri a dzə̀ vinyo ve ru ví, á lóo yen, aá wáa burí Tàr won wo wù dzəə̀n é yuv.

«A vèn kfə̀n dzə̀ moo kikaʼày ke kí kaʼày wír veé ndzə. Vèn kì sá jii, láʼ ye á bàʼrìn é kitu ke gwane yòʼ yii laynìnè.

Bòŋ ké wìr ve á kér melív me juŋ mè, bìʼ fo áwune wíy yen sí Nyùy.

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Yii bèy, a m duŋrì kém jii, vèn wáa kòŋ aŋgaà vén vibàn, a bùnrì a fo wír ve á nəʼsì vené.

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

Bòŋ ké wìr ve á mán vinyo, bìʼ fo Nyùy wíy a yòŋ áwune ji wón və́.

Bòŋ ké wìr ve á diy lèn, bìʼ fo Nyùy wíy səmér áwune.

Bòŋ ké wìr ve á yii vinyo ve Nyùy taʼà, aá ban áwune, bìʼ fo dzəə̀n áwune ve á sí yú vijuŋ ve saʼ Nyùy.»

Bòŋ ké wìr ve á rə́r mendzən me wíri, bìʼ fo Nyùy wíy rər sa méev.

Jesus kfə́n a suúy jii, «Wíri lóo kuùrì ven, lóo ròn wúu yén, lóo lor vinyo e věn wùn bìʼ fo vèn dzəə̀n wír vém, bo bòŋ vishí vén. Á lóo lovtí e vèn bey, vèn wàa sheʼrí sheʼrín, bìʼ fo vèn kiìn ji Nyùy lèm ne vilaámé vén é yuv vigháʼán. Vèn wáa kuumé jii, dzə̀ sá mo vé‑eè lóvti aàŋgàa ntum Nyùy vee fó ŋgùʼú bey.

Bòŋ ké wìr ve á bórkir e Nyùy si, bìʼ fo áwune wíy yòv kitú ke nsay.

«Vèn dzə̀ e wírí mvəm moo shiŋgwáŋ she á fór nyóo shó. A shiŋgwáŋ shi lò, e səə̀rí, á kfə̀n yèe shó, bo shí nyom? Bo shí lày ne kisáŋ, aá sər, é wíri wáa nyèŋrì e wuú.

Kidzə̀m ki wáa dzə jii, vèn wáa yiì vinyo vén tìítiy, é ví wáa ran réŋréŋ mo Tàr won wo wù dzə́ e yuv ráné.»

Vèn lóo suúy kinyo ke á suuy kidzə̀m, kí kù a dzə ji eè, kìn ji àáy. A wìr suuy kinyo e shaà kin, bo kee shooy ki lò a dzə̀ fo Satan woo ŋgaà vinyò ve bi ví.

«Á kfə̀n‑eè duŋrì ven jii, ‹Ŋkfə́tir si kú a dzə sí, é wo sòŋ kú a dzə sóŋ.› Yii bèy, m nén a dùŋrì kém e vèn jii, lá vèn yòʼ a siìr a ŋkfə́tír. A wìr dzə̀v búbuʼ yè yeé koy yìyí, à bìnèr yeé koy ŋkoòvìi, é wù maysi.

Kí nén a dzə jii, a sí yée lò, a levtí wò ji à jáy dzə́ə, à mèn, e màʼày, a fə̀m dzə̀ ye yí yén virə́ʼ kijuŋ. Kí bòŋ ji wìr rán kirə́ʼ ké wùn kímóʼ kí, e shaà fo wúné bír e dzə̀m, aá tátí, e màʼ e və̀y. A kù dzə̀ réŋréŋ sá moo, a kiwó ké ki lò, a levtí wò ji à jáy dzə́ə, à tìn, e màʼày, a fə̀m dzə̀ ké yìy kí. Kí bòŋ ji wìr rán kirə́ʼ ké wùn kímóʼ kí, e shaà fo wúné bír e dzə̀m, aá tátí, e màʼ e və̀y.