Popular Bible Verses from Cù 26

Share

M kù wíy a dzə e věn mvəm, a m wíy a dzə Nyùy won, é vèn wáa dzə wír vém.

bo m wíy a fo ven wuú é ghan se juŋ si, é nsay nèn a fəə́r vifá ve yi, é vicí ví wáa koóm.

«A vèn wìy a yu sáʼ yém, a yunín nsər sém, a yiì mo sí dzəə̀n

«M wíy yiì, é nyaáŋ wáa dzə e věn nsay, é vèn wáa buuné, e làa yòʼ a fàn. M wíy laàr nyám se biibí sí fo věn mvə̀m wòŋ, é la nyùy rə̀r yòʼ a shaàsìn e věn nsay.

«M wíy a ker shíi won, a yiì, é vèn wáa kùʼ. M wíy a yùŋrì *mensaŋ me m gwàrìn vèsən.

Dzə̀ mo NYùY TàR woo Nyùy won wo wù‑uù fəərin ven fó wòŋ Ejiv ji lá vèn yòʼ a dzə akwàn vév. M bèʼ ne kimbùŋ ké vikwàn fo věn mbèʼ, e yiì ji vèn wáa ghan kicaárín.

M wíy a ker kirə́ʼ kém ké dzə e věn mvəm, a bó m yòʼ wíy a ŋway ven.

Nyùy kfən sùúy jii, «Lá vèn yòʼ wìy bòm kifá, a ghvəm ji Nyùy, kìn dzə̀ ji á fer mebvə̀m, kìn ji á tuúy sə́y si, kìn ji á sém vilán. Dzə̀ mo NYùY TàR woo Nyùy won.

Vèn wíy a yi vifá ve yi ve mvə ví, é ví wáa shaàrì, é vèn wáa tsə̀ʼ tsə̀ʼə̀n, e bó a ker kilíŋ ké a lèm ve fíy vi shó.

Wír vén atàne wíy a tòn aŋgaà vén vibàn wií, é wír vén vee wií wáa tòn vee nsə̀kì e ghvə̀m. Dzə́n sév sí wíy a neŋnín e shùu rər.

Vèn wíy a kav vifá ve yi nyanyày, lóo kòy vicí ve á fer meluʼ sho, aá kù dzəə́ búʼ vifá ve yi ve á kavin. Lóo way ŋgoòy se vifa, aá kù dzəə́ koy vicí. Vèn wíy a fàmtìn fàmtìn e vifá ve yi vi, a dzə e věn nsay akiŋsìn.

Vèn wíy a ghaʼ aŋgaà vén vibàn é shùu rər.

Vèn wíy a lèm kishiíy kém ké bam, a ghvəm kibàn kém. Dzə̀ mo NYùY TàR.