Popular Bible Verses from Fəə 7

Share

NYùY TàR nèn sùúy e Mooser jii, «Yén mbà, m yiì ne, à wáa dzə moo Nyùy bèy fo Farao, Aaron woo fər wò wáa dzə ŋgaà ntum wò.

Yii bèy, m yíi yiì, é Farao wáa tav kitú. A dzə̀ jii, m yíi yiì vinyo vinín e wòŋ Ejiv ve ví wáa dìn vitaáví vém, e kfə̀n yiì viŋgaʼnìn ve vinyò vímóʼ ví vinín, a bó yòʼ dzə̀ Farao yiì yù kinyo kén. Wù téné, é m nèn màʼ kiwó kém e wír veé Ejiví kitu, é ŋgeʼ ye tavín nəə́ áwune, é bo m fəə́r màŋgòŋ wom woo wír veé Isray fo wòŋ Ejiv.

M yíi màʼ kiwó kém e wír veé Ejiví kitu bèy, fəər wír veé Isray fo áwuné mvəm, é wír veé Ejivi nèn kìíy ji m dzə̀ á NYùY TàR.»

Farao nèn tòóy akiíy wùn à vé ŋgàŋ vəə́, á yiì sa réŋréŋ, e dzəə ye áwune yii sénin sə́m sho. Áwune màʼrì mbàŋ sév fó nsay, sí bìnkìr e yò. Ye Aaron yee mbàŋ nèn mèyrì sév.

Wù leéy á kinyo ke m lo yiì lèn, é wù nèn kìíy ji m dzə̀ á NYùY TàR. Sùúy a mo woo NYùY TàR. À tiísi bèy, à nèn lì mbàŋ ye yì dzəə̀n e wò kiwo, e dzə̀v ndzə́v yee Naay sho, é yí nèn bìnkìr e mensə.

«A Farao lòo dzə, e sùúy ji vèn din kiŋgaʼnìn ke kinyò ki ji tùm rú á mo ven, à nèn yòŋ, é Aaron li mbàŋ rə, e màʼ e Farao si, é yì binkir é yó si.» Mooser wùn Aaron nèn dù, e yèn Farao, e yiì réŋréŋ mo NYùY TàR kì suuyin. Aaron màʼ mbàŋ rə e Farao wùn à vé saʼ vəə́ si, yì bìnkìr e yò.