Popular Bible Verses from Fəə 3

Share

Nyùy suúy e Mooser jii, «Yír yémé dzə̀ ji DZƏ̀ MO WO DZƏƏ̀N MO. À yíi suúy e wír veé Israyi ji tùm á DZƏ̀ MO wò fo áwuné wùn.»

Nyùy nèn sùúy jii, «M yíi a dzə wòsò. À yíi fəə́r wír veé Isray fo Ejiv, á cu mo é gwan fèn, é nèn a dzə kisəəm kee ji tùm á mo wò.»

Nyùy suúy shó jii, «Lá à yòʼ dzəə kòʼtí, e wìy fo mentsə̀m. Shóʼtí alábáʼ vée, bìʼ fo à sí tíy a dzə̀ e Nyùy kirə̀ʼ ke ranén kí.»

NYùY TàR nèn sùúy jii, «M kù yén mo á nyavrì e wír vémé é Ejiv. M yù ne mo áwune tóŋ ji á sə́ áwune fo wír ve á nəʼsì áwuneé wo. M kì ŋgeʼ sév sidzə̀m. Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

nshìylav NYùY TàR fəə́sín e wun si, a yì‑iì dzə̀ é mvə̀m kiliìmé ke və̀y wo wú‑uù shwí e kici. Wù‑uù yèn, a və́yí baári e kici, a bó kí yòʼ shwí, wù wáa ker gháʼ.

M sí túm wò lèn fo Farao wùn, áà du, e fə̀ə́r wír vém veé Isray fo Ejiv.»