Popular Bible Verses from Fəə 20

Share

«M dzə̀ NYùY TàR woo Nyùy won, wo wù‑uù fəərin ven fó Ejiv fo vèn‑eè reŋ vikwàn. «Lá vèn yòʼ a ker anyùy ámóʼó, e shaà mo.

«Lá vèn yòʼ fèr shibvə̀m ji á wáa ghvəm, a fə̀m dzə̀ é njà kifa keé yuv, kìn keé nsay, kìn keé ndzəv yeé loònsay. Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo NYùY TàR woo Nyùy won dzəə̀n Nyùy wo wù kíyri ven é ŋàŋ. M yii maʼ ŋgeʼ e wóné wùn à wón woné, à wón wón woné, bìʼ ban ye atàr véví ban mo.

«Ghvə́m tàr won wùn yè won, áà fiʼ wìy dzə̀ʼə̀m ntàmda e nsay ye NYùY TàR woo Nyùy won sí fó e vèn.

«Vèn kuúmé kishiíy kém ké bam ki, e lèm ji kishiíy kee jeéy kí.

«Lá vèn yòʼ yòŋ yír NYùY TàR woo Nyùy won kisáŋ, bìʼ fo mo woo NYùY TàR wayin ji wír wo wù yoŋ yír yém kisáŋ kù li njò.

Vishiíy vee ntuùfú ví dzə̀ ve vèn wáa lìm lim yén, a ke kí meen ji saàmbà ki dzə̀ kishiíy ké bam ke NYùY TàR woo Nyùy won. Lóo dzə e kishiíy fen, lá wìr yòʼ yiì lim. Kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nyám rə, kìn kiŋgwìy ke kí dzəə̀n e wun laʼ, lá á yòʼ lìm lim, a fə̀m dzə̀ rəné

«Lá wìr yòʼ siìmé kifá ke dzəə̀n ké wìr wùmòʼ. Lá wù yòʼ siìmé wiiy ŋgaàŋ, kìn kwàn və́ woo lumène, kìn woo wiíyi, kìn nàʼ və, kìn kimbèʼbìy kfə́, kìn ka ke dzəə̀n ké ŋgaàŋ.»

«Lá wìr tìím vinjen ve kisaŋ vi, e tòy wír e kinyò.

«Lá wìr yòʼ lì wiiy wìr, kìn ji wiíy wáa ghan viŋkar.

«Lá wìr yòʼ yùyrí wír.

«Lá wìr yòʼ a shoŋ vishóŋ.