Popular Bible Verses from Roma 2

Share

Lá gho nə ɨson ɨghan, o ghɨ̌ ndəŋndəŋ ɨnu tsa o sáʼnɨ́ ɨbɛn bə mɔʼɔ mbɨ́ʼ a tsɛrə ghe! O wiʼtɨ ngə́ o ghɨ lɛʼ nɨsáʼ nɨ Ŋwi le? Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo.

Ma lan, gho wa mbáʼ o sáʼnə́ ɨbɛn bə mɔʼɔ, ka o tsi agho nɨ ɨshwúrɨ́ a ngɨə ma lan tsɛʼ mɨnyiə, kə o be be ɨwa kə mbe ɨwa. Mbɨ́ʼ ngə́ be o sáʼə ɨbɛn bə mɔʼɔ, lá nkə́ ngɨ̌ ndəŋndəŋ ɨnu tsa bo ghɨnə, o chɛrə lá ɨsáʼ ɨgho ngə́ o vwo ɨsáʼ ə.

Mbɨ́ʼ ngə́ ka Ŋwi a ndyiŋə ayi mɨshi ɛ.

Mbɨ́ʼ ngə́ ka ɨbɛn nchínə́ awa a ɨshi ɨmɨgɨ Ŋwi lá tsɛʼ mbɨ́ʼ ngə́ bo zuʼ adzaŋ za bɨ tɔŋnɨ a Nyɔngɔŋ wa, a baŋnɨ mbe be ngə́ bo ghɨ ɨnu tsa Nyɔngɔŋ wa a sóŋnə́ ghe.

Ŋwi a ghɨ kyáŋ a ŋwɔn tsum ndzɔ́ŋə́ a nye afaʼ za a faʼnə ghe.

Lá a mbó ɨbɛn ba bɨ lɔnə ngə́ á bi tsɛʼ aza, nton awa a ndzúʼnɨ́ nkənu, taŋ ɨ tsi tsɛʼ a ngɨ ɨnu tsa ka tsɨ tɛmnɨ ayi; Ŋwi a ghɨ diʼ a mɨlwintɔŋ wu ntən wa a fuʼnə tso anto a nye bo ghe.

Lá o fɨŋ ntəm ɨgho nkɨ nton a mbəŋ wɛrə a nye mɨbvu ɨmo, ma lan, o ghɨə ngɨ́ʼ za o lonɨ zɛ́n ɨ gháʼtə ngěn be nɨ mbyi ɛ. Məzen a ghɨ fú lá a Njwi mɨlwi Ŋwi mbáʼ nɨsáʼ ɨni na nɨ tɛmnɨnɨ ghɨ fú asaŋəsaŋ ə.