Popular Bible Verses from Ɨfaʼ 16

Share

Bo chwɨ́gɨ́ ngə́, “Nɨŋ ntəm ɨgho a nye Maʼmbyí Yeso, bɨ mɨ tiʼ loŋ agho — gho abɔʼnɨ ŋwɔn tsum a ndá gho ghe.”

A ghɨnə mbé tso ntɨŋ ɨtfúʼ Baolo bo Sailasɨ tsaʼtɨnə a Ŋwi nkə́ ndzɔ́bɨ́ mɨkom ngúʼsə́ a Ŋwi ɨwu, ngaŋ atsáŋ tsə mɔʼɔ tsa zhwiʼtɨnə ghe. Ɨshe vwúkɨ́ nɛ́m tsɛʼ nɨ azhwuʼ a nye ndóm wa atsáŋ za a chíʼnɨ́nɨ́ ɨ shiʼ nkuʼ a nye atsé azhi ɛ. Mɨntsu mɨndá byí ŋáʼnɨ́, mɨnkɨ mɨ atɨŋə ma bɨ kórɨ́nɨ́ ngaŋ atsáŋ tsa ɨwu tɨnkɨ a ɨnye bo bɨtsum ngvokɨ a tɨshe.

Wɛrə a tíʼ ndɔgɨ awa ɨ fu nɨ bo a mu atsáŋ za ntiʼ mbitɨ awa ngə́, “Bɨtə̧, ma mɨ zagɨ ghɨ lá ɨ nə́ á bɨ loŋ aghan le?”

Ntsiŋ atsáŋ wa a ló atɨ́ ə. A ghɨnə ndzɛ́n ngə́ mɨntsu mɨ atsáŋ ma tɛ́m ɨ dzɨgɨ, ntɔŋ ngə́ ngaŋ atsáŋ tsa kɨ́əkɨ́ ntiʼ sɔŋ a lumban ɨyi ndǒ njwitɨ atuəmbəm azhi ɛ. Lá Baolo a tɔ́nkɨ́ nɨ adaʼ azhi atsum ngə́, “Koʼ atuəmbəm azo lɛmə! Bɨgɨ tsi ɨghan tsɛʼ bɨtsum ə!”