Popular Bible Verses from Ɨfaʼ 11

Share

A ghɨnə ndzɛ́n ayi, ndɔgɨ ayi bo zɨ ghɛn Antyokɨ ə. Atú táʼ alom wu fɨgɨnɨ bo wa bi bɨbá kə́ mbomnkə bo bɨ ɨbɛn bɨ ndáŋwi, ndǐʼ ɨbɛn ba bɨ gháʼnɨ́ be tɨsɨŋə. Bɨ fóm ntɔ́ŋ ɨbɛn ba bɨ nɨ́ŋnɨ́ mɨntəm ɨma a nye Kristo ngə́ Ɨbɛn ba bɨ zɔŋnə a Kristo lá Antyokɨ ə.

Wɛrə a ghɨnə ngyén nkón, ndzɛ́n adzaŋ za Ŋwi a fɔ́gɨ́nɨ́ ɨbɛn ba, ndorɨ tsɛʼ nkə. Wɛrə a tíʼ ngwɔŋtɨ awa ngə́ á bo fáʼə nɨ táʼ ntəm a mbó Maʼmbyi nkə́ sóŋə́ tsɛʼ nkənu nkfu tsum ə. Mbɨ́ʼ ngə́ Banabasɨ a bé ŋwɔn wu shiʼnɨ, ndon nɨ Azhwi zə Fɛmnɨ abɔʼnɨ abeməntəm, ɨbɛn bə ghaʼnɨ tíʼə ndzɔŋə a Maʼmbyí ɛ.

A lán ngə́ Ŋwi a ghá ndəŋndəŋ azúm zə ghanɨ za wɛrə a ghánɨ́ a mbó bɨgɨnə a nkfu za bɨgɨnə fómnɨ́ nɨŋ mɨntəm ɨmɨgɨnə a nye Maʼmbyí Yeso Kristo lá a mbó ba a se bə Yuda be məba; ma lánɨ́ ntíʼ mbé lá ɨwa a njwə́ŋtə́ a ntsúʼnɨ́ Ŋwi le?” Bo ghɨnə ndzúʼ a məzen lá, nkeʼ nɨ anu zə soŋnɨ bə ntsi, ntiʼ mbontɨ a Ŋwi ɨ sóŋə́ ngə́, “Lá be ngə́ Ŋwi a kɨnə nkɨ nga abárɨ́ a mbó ba a se bə Yuda be á bo bəŋ mɨntəm ɨma a nye mɨbvu ɨma ntiʼ ntsi nɨ ntsi ntɨŋ ə!”