Popular Bible Verses from Aposol 2

Share

E Petro a nga kuil nama, “Enga kokouk nga ta ngas vodon vuris nge por sinusuruiv simi asan e Iesu Karisito, terengien va e Raban ta mang vodon rivie kenga sar sinavei tsokor, ma ta tabarie nga ngan mi Moromoruo Tamat.

Gi nga terie kegi tino kokouk si kegi vinasengei bu aposol, simi sinavei nia oir kouk, simi sinavei nia vepot ngan mi tsoik, ma simi sinavei nia no rakot se Raban.

Egie kokouk gi nga vous ngan mi Moromoruo Tamat ma gi nga vakaek nge vakokoit ngan bu vuna nama mene ian mi Moromoruo Tamat ta nga tsana va gi ta nga oit nia vokokotie.

Samo mi tienengen mi kepineits malan va mi mour leong, a si nga beit kovuni simi rangit nge vovosuo mi vonuo ivie gi ta nga mon en. Gi nga pare misa ta nga beit malan va bu karame leing ta nga kor mogos i popon mi kulou keskes. Egie kokouk gi nga vous ngan mi Moromoruo Tamat ma gi nga vakaek nge vakokoit ngan bu vuna nama mene ian mi Moromoruo Tamat ta nga tsana va gi ta nga oit nia vokokotie.

Sibu ra kokouk gi nga ko munu beit kokouk i mararan mi Vona rengeir leong. Gi nga ko ngou kokouk i aron kegi sar vonuo ngan mi nires ma mi banga aor. Ma gi nga ko puongan e Raban ma gi nga mon nge res surie bu banga aor simi kulou kokouk. Ma sibu ra keskes mi Nguts a nga vor ve veleveleongtie mi aesaes si kegi gargar mi kulou ese e Raban ta nga vatoa gie.

“E Raban a nga pevien, ‘Sibu ra vekvekitip, o ta poek soan mi Morumoruong simi kulou kokouk. Bu natunga tamat ma bu natunga vevien gi ta vavatei ngan mi sana nama o ta terie segie, kenga sar ka vour gi ta dengarie kavo baidendeng, kenga sar komois gi ta borea ngan kavo binorea.

Mi kulou vodovodon tuktuk kokouk gi nga ko oir kouk ma kegi sar kepineits kokouk a nga kes mo. Gi nga verikuil nge lakep ngan kegi sar kepineits ma gi nga terie segie ese gi ta nga mon pinat.

Ma mi kulou kokouk gi ta no simi asan mi Nguts, gi ta so suvuon mi vavato.’

mi matanias ta ngingi, ma mi vura ta vuris nge mereik mala dar, i muan mi ra leong simi Nguts ian ta va ta beit ngan man matvinavaso.