Popular Bible Verses from Maki 14

Share

Ina kawanoiyana goi idigo kana, ‘Abba, Tamagu, kaga liliuna ikakapu yaim. Tauna neta gedageda keigaina ame kukābi kunāve. Go sem yau geya guna nuwonúwana geya, go sem kom im nuwonúwana kuguinūwe.’

Ago adi taito ilatuwokoidi kana, ‘Koyauyāusa nakae kokaawanōi bego aba vakakona goi geya kokapusita. Balomaimi latuwodi toina go, wowomi sineneta.’

E moe nakae dedevina iguinuwe go, ame alatuuwokoimi konōve: Poyapoya ana madabokina goi nako Vala Dedevina sitaalavaite, e ina guinuwayana tetelina nakae bei sivateteli go, tauyana sinuwokavate.’

Tuwo adi taito ilatuwokoidi idigo kana, ‘Nuwogu taitáiya iuyoi, nakae bei akámasa. Komi ameko goi kokaaiyāka go, koyauyāusa.’

E tauyadi sikakáika go, Yeisu beredi ikabi, manuna ikauyagu Yaubada yaina. Ikavava, ikivisi ina tovatotowanayao ivinidi go, idigo kana, ‘Moe wowogu nakae. Kokābi kokāni.’

Tuwo sikabi sikáika. Ikavava, oine ma keeigaina ikabi, manuna ikauyagu Yaubada yaina. Ikavava, keigayana ivinidi, e tamo tamo sikabi sinim go, idigo kana, ‘Moe ikaikaigu nakae. Ikaikaiguyana bei idaudau komi manumi be nakae tomota liliudi manudi. Ikaikaiguyana ina dau goi Yaubada ikanasiukoimi.

Niga Yeisu ina tovatotowanayao ilatuwokoidi idigo kana, ‘Sabamgo ame imi numisa goi bei kokapusi yau pasigu. Moe nakae Gínina Kimaasabaina goi Yaubada idigo kana, “Sipi adi tomatakavata bei aláui go, ina sipiyadi bei sisapa sisiya.” Sakarayau 13:7

Kotāoya tāna. Kogīte; guna tonuwotuluyana bogina imamaima.’ Tuwo moitamo sitáoya go, ina tovatotowanayao ainima aito nakae iduduwedi sima.

Go kina Yeisu idigo kana, ‘Moe dedevina neta moitamo go, ame alatuuwokoim kunōve: Ame sabamgoyana goi kom bogina bei sivato kulawoiwoiyekoigu namliyeta kamkam bei sivayuwoina itáiya.’