Popular Bible Verses from Galetiya 5

Share

E kina go Baloma Kimaasabaina keuwoina Yaubada ina bodao yaidi ame nakae: • Matakoi • Mesayágana • Aba numisa • Uyáwana • Yabobona • Sakululu • Tuboina • Sinapu dedevina • Toinidi sikabiikunuidi

E yau guna nuwonúwana ame nakae: Baloma Kimaasabaina ina togaga goi kooketōiya yawoim madabokina, bei sakava sinapuna ina yalagau geya koguuinuwedi.

Yawoida vau Balomaina Kimaasabaina goi taababane, tauna Baloma Kimasabainayana ina vakeda kiyaena tavaekūli.

E kita go Guyau Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

E sakava sinapunayadi bogina tayaagoidi. Sinapuyadi ame nakae: • Masisi goyogoyoina • Egamogamogu • Nuwonúwana goyogoyoidi • Tomota aditava idi yala manudi sipoisógana • Sakava ana vikaiya owáowana • Livisi • Yaubadayao adi sakululu • Tavilei • Méyava o bowou • Matakikiwo • Vakaleya • Aumata • Aumakimaki • Nim ginagina • Vakipikipi • Uyawana owáowana • Ava sinapu ame dogoiyadi nakae.

Guna nuwonúwana tuwaina ataligei, segowo. Yaubada bogina iduduwemi komi ina bodao be nakae ina Katukeda ina lovina goi italigeimi. Ago ami taligavayana taabu kooetāko sakava sinapuna manuna, go sem imi matakoi goi semiyao kovaitēdi.

Ame moitamo. Sakava sinapuna ina yala ituli go, Yaubada Balomaina ina yala ituli, e taiyao sigibiubíuna. Bogina koyagoi. Ame yalayadi aiyuwo taiyao sivakaleya, govila bei kaga goyogoyoidi neta kooyaledi koguinuwedi.

Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’ Vininabeso 19:18

Taabu tanuuwatūe. Nakae taabu sedao tadumwaamwainīdi be nakae taabu tamatakiikivēdi.

Ada talígava manuna Guyau italigeida! Tauna koovadōkana. Geya tayaamo kaga yaina kokasalemnēimi bego ipakomneimi.