Popular Bible Verses from Tateta 8

Share

E tomemeyavayadi madi méyava sipoikíkina poyapoya kaukauna goi dimokíkila sikaiwoduwedi go, geya itoboinedita. Tuwo dimokikilayadi tomota be yoguyogu yaidi goi sikaaiyaka. E tomemeyavayadi Pero silatuwoko sidigo kadi, ‘Ame Yaubada ina togaga.’ Go kina Peroyana nava idaabakasa, tuwo geya inovemeta nakae Yauwe boi bogina idige.

E Yauwe ilatuwokoigu idigo kana, ‘Kūna Pero kulatuwōko kudīgo kam, “Yauwe ibóbwara ame nakae, idigo kana, ‘Guna bodao kutaligēidi bei sima sisakululu yaigu.

E tutayana Pero igite kwekwe bogina sikavava, mainao aiyuwoina idabakasamna, tuwo Eroni be yau geya inovemeta nakae Yauwe boi bogina idige.

Go neta kuvagagaledi, e am dodōkana. Bei kwekwe aetunedi siwo im kasa madabokina goi bei aliunemi.

E Yauwe ilatuwokoigu idigo kana, ‘Eroni kulatuwōko kudīgo kam, “Im kaituko kuyosāle, poyapoya kaukauna kusāpi bei kaukauyana Itipita ana madabokina goi imaladimokíkila.”’

E tuwo Yauwe iguinuwe nakae ilatuwokoigu go, Pero geya inoveguta. Tuwo nenéola badabadaidi sina Pero be nakae ina pakonayao idi vada goi sisiu. Neneolayadi da Itipita idi kasa madabokina sikaaigoyai.