Popular Bible Verses from Guinuwa 16

Share

‘Tomoya Yeisu kunumīse, e bei kom mam bodayáuwo iyavemi’, tauyadi kaedi.

E bunatoina goi Paulo be Sailasi sikaaiyaka, sikaawanoi be nakae Yaubada ana yapali siveesiyedi go, kidi deri ana tokaiyakoyao sitaiyaakekedi. E geya mgoninamo nikuniku gagaina itátava, tauna deri ana lasaunayao siégana. Tuwo totom liliudi toinidi sikatupáeva be nakae deri ana tokaiyakoyao adi yówana sitaligalígava.

Ikavava, itáoya, ikabidi inavedi moetala goi idigo kana, ‘Guna tomoyamoya, kaga itoboinegu aguinuwe bego guna yava ababane?’

E tomatakavatayana iimasisi, ikaliwoisa, itáoya, deri ana totom adi niboda tamo tamo katupaaevaidi igitedi, inuwonúwana kana, ‘Nakona deri ana tokaiyakoyao bogina sisiya.’ Tauna ina sisi ibuyagi bego toinina ikaumate go, Pauloyana niyana gagaina goi iduduwo idigo kana, ‘Taabu kuyogedegedēm! Madabokima amema.’