Popular Bible Verses from 2 Corinthians 1

Share

Eto ungotenau jo ari ta Mamo God amita degi ta eto hondate ari tapa puvaguja avoeto ungotenau Bada Iesu Keriso ta Mamo God avo osa be ue jakeka erera. Eto amina ungotenau osaga tapa avo kogue hondate uoi mine ungotenane hondate ari God ta degi humbagora avo jigama ue embo nei ta osaga neite neite avo kito hondate eagora

eto amita ke be amo Keriso na osaga peni vahai kina ainge dombo ungotenanena koguore Keriso na ungotenau tunga jamo ari mine avo ikeoi humbagora

amo dagota sari ari ta duru avo humbuto arako ere ua ehera avoeto aita kehera amo sovera dagota avo humota mane aisora te God ambure embo jigeoi vasiri te eraguja embo vahai avo humota ere uahera.

Eto eha emo God na oi ungotena tapa Iesu Keriso ta jo ta heteto mihera. Eto amina amita Ahihi Otohu ungotenau jo ta overekena amo ungotena Iesu Keriso ta toho amita hajire embo na kiagora overekena avo ungotena kogue ambota do puvurou kesora avo ke be erera.

eto dagona osagate memengate embota ingeni ta kogue mihera amo God na ungota ari sasapura avo oreketo humbuto tunga jamo ari ta ikaguja amita ke ungota degi hande ere ora avoeto kogue mihera. Eto dagona tunga osaga kiari ijite tunga jamo ari ere humbuhora avo ungona tunga jamo ari ere humbuhava avoeto ungotena tapa na tunga osaga humbari haite aisora.