Popular Bible Verses from 1 Peter 4

Share

Eto pajire be avo jo tapa na osa mine ara evujo, eto osa ari amina ungota ari sasapura tau veto irae aisuja.

Eto ungo God na amita pure do ava kiari hande ikena amina hondate mine ara ue God ta pure ari embomeni be evujo

eto God na no hande ikena amo ke ra avoeto no jo tapa na God ta ke avo hande ejo, eto God na no hande ikena amo hondate ari avo ikena avoeto God ta sovera na embo nei hondate ejo. Eto ari ainge avo ururovo amo Iesu Keriso avoembo God ta degi usasa puvurou embomeni na sago javotoho kesora, eto Iesu Keriso ta degi usasa te sovera te mahu ainge iroi, amen.

Rate umo Keriso ta toho avoembo au memenga osaga kogue mane me kesoa te na Keriso ta tohora ijie God jakeka ejo.

Eto iji tutumota ere puvutuhua avoeto uha javotoho be na pari evujo.

Nau namei kamei, eto ungota degi eto kiari memenga te puvuresuja avo kito tututu mane aisova amo ungota degi ari nei do asi mane puvija te Keriso ta memenga avo ungona amiga kajueto ere kogova avoeto tunga javotoho evujo. Eto iji kombu ta puvurou Keriso ta usasa sago kiari peni be araha ta puvurou kito tunga javotoho be aisova.

Eto osa ari na pekari na umoro kamoro ue hande puanda mine ara evujo.

Rate embo amuna ari jajavotoho ururou kitoho embo na aro osaga memenga kogue amita ahihi avo ove ari Embo God ta ingeni ta ikau humbuto simba ururou ari jajavotoho mahainge aisuja.

Eto Keriso na hamo ta memenga kina avoeto ungo ainge dombo ari sasapura toasi avo hotembihe sovera evujo, ke amita be amo hamo memenga kiari embo amita degi ari sasapura amo ivo ambu aisuja avoeto enda ta mihie hamo ta ujeje sasapura avo mane asi hotembasuja te God ta uje vahai avo asi ue iresuja.

Eto embo na ungo Keriso ta javo ta iragova avo kito ungo urumbasora amo God ta Ahihi usasa te ungota hamota mihia avoeto urumbasora avoeto tunga osaga avojo.