Popular Bible Verses from 1 John 3

Share

Avoeto nau meniundi teho pe na ivivi na ijirou mane osa aisora te ari be avo ururo ke be aisora.

Eto namei osa ari amo eingera: eto Iesu na ungotena avoeto vasiri amita avo toto pehena ainge eto ungotena ue namei kamei avoeto ungotenau vasiri toari haite aisora

Eto kivujo, God Mamo na ungotena osa pajire be ere ua avoeto ungotena amita meniundi ke eaguja avoeto ungotena amita meniundira te enda embomeni God kiae avoeto ungotenamote tapa kiaera.

Nau meniundi ungo embo nei ta ke ambo ambo ue degi aemo ta pambavojo, Keriso amo ari javotoho ari embo eto embo ari javotoho aisuja amite tapa God ta tihi ta embo javotoho aisuja, rate Satan na ihikari ta eto ari sapura ere ova ainge embo amuna ari sapura mahainge aisuja amo Satan ta tohora. Rate Satan ta pure sosou asi God ta Meni enda ta puvuna.

Eto God ta meniundi na ari sapura mane aisora amo God hajire avoeto, eto God amo enana ta Mamo avoeto ari sapura amo toasora.

eto namei donda te amina namei nei donda ambu avo kito jo ae aisuja amina God ta osa ari amita jo ta daingeto irou?

eto amuna God ta ke agi eaguja embo amo God ta jo ta mihia eto God amo embo amita jo ta mihia, eto amuna ungotenau jo ta iraguja amita hajire amo amita Ahihi Otohu avo ungotenau jo ta ikaguja.

Eto God ta meniundi davore Satan ta meniundi davore amita etokiari erevira, eto embo na ari sapura eto namei osa ae asuja embo amo God ta meni manera.

Eto ke peni ihikari ta ingihava amo ungo osa mine ara evujo

ainge dombo ungo ari javotoho ere ova avo enda embo na kito ungo uje ae ururoro kito hotembari nei avojo.