Popular Bible Verses from Gálatas 3

Share

Tu̶ je̱'e̱ Cristo xyajni'iwaatzu̶m ajku̶xy ma je̱'e̱ Moisés y'ane̱'e̱mu̶ñ ijty xychaachtyunaanu̶m ajku̶xy mu̶u̶d je̱'e̱ poky ku̶dyeey gyu̶xpu̶ ko ka'p ka'pxy nguydyuunu̶m ajku̶xy, pues je̱' je̱'e̱ poky ku̶dyeey du'un mu̶nu̶kx yajnú̶kx mu̶u̶d u̶u̶ch kyu̶xpu̶ ajtu̶m ajku̶xy, je̱' ko du'un je̱'e̱ Dios ñaky myu̶na'añ: “Ju̶bu̶kja'ay je̱'e̱ ku̶xyu̶ je̱'e̱ mu̶dyiibu̶ cruutzkú̶xp yajku'udu̶yu̶u̶ybyu̶ñ.”

Ka'p je̱'e̱ Dios yajtú̶y pu̶n judío ja'ay o pu̶n ka'p jyudíoja'ayu̶ch, pu̶n tuumbu̶ ni'idoogyu̶ñ o pu̶n ka'p ñi'idoogyu̶ch, ya'aydyu̶jk o to'oxyu̶jk; je̱' ko nigu̶xyu̶ miich tu'ugyu̶ myajpaatku̶xnu̶ ma je̱'e̱ Cristo Jesúsu̶ñ.

Y pu̶nu̶ je̱'e̱ Cristo miich xyjya'ay'ajtku̶xp, je̱'e̱ Abraham xy'ok'ung xy'ok'ana'k'ajtp ajku̶xy y mbaatku̶xu̶ch je̱'e̱ mu̶dyiibu̶ je̱'e̱ Abraham Dios yajwinwaanu̶u̶yu̶ju̶ñ.

Adaa paady adaa du'un tyuunu̶ jyajtu̶ wan je̱'e̱ kunukx'ajtu̶ñ je̱'e̱ mu̶dyiibu̶ je̱'e̱ Dios je̱'e̱ Abraham yajwinwaanu̶u̶yu̶ñ nandu'un paatku̶xu̶ch, mu̶u̶d je̱'e̱ Cristo Jesús kyu̶xpu̶, je̱'e̱ ka'pu̶ jyudíoja'ayu̶ch ajku̶xy, y wan ko nmu̶bu̶jku̶mu̶ch ajku̶xy nbaattu̶mu̶ch nigu̶xyu̶ ajku̶xy je̱'e̱ Dios y'Espíritu je̱'e̱ mu̶dyiibu̶ tu̶ awanu̶'u̶yu̶ñ.

Paady oy wa'adz adaa du'un yajwinju̶wu̶'u̶y ko ka'p ni pu̶n pyokyñi'iwa'ach ko ja'akuydyúñ neby je̱'e̱ Moisés y'ane̱'e̱mu̶ñ y'ane'emyu̶ñ. Pues du'un je̱'e̱ Dios ñaky myu̶na'añ: “Je̱'e̱ pokyñi'iwa'achpyu̶ tzu̶na'awu̶p je̱'e̱ wiinu̶u̶xu̶u̶ mu̶u̶d je̱'e̱ mu̶bu̶jku̶ñ je̱'e̱ mu̶dyiibu̶ myu̶u̶du̶ñ.”