Popular Bible Verses from 1 Tesalonicenses 2

Share

Ni'igyu̶ u̶u̶ch je̱'e̱ Dios xykyu'umaay ajku̶xy y xyajni'ipu̶jkyu̶ch ajku̶xy ko u̶u̶ch je̱'e̱ ayuuk tu̶y'ajt je̱'e̱ mu̶dyiibu̶ aanu̶mu̶ ni'idzooku̶ñ ye̱jkpu̶ñ ngapxwa'kxku̶xu̶ch, y du'un u̶u̶ch je̱'e̱ nigapxy nimu̶dyaaky ajku̶xy. Ka'p u̶u̶ch du'un paady nduuñ ajku̶xy neby u̶u̶ch je̱'e̱ ja'ay du'un xykyu'umaaygyu̶xu̶chu̶ñ, paady u̶u̶ch du'un nduuñ ajku̶xy neby u̶u̶ch je̱'e̱ Dios du'un xykyu'umaaygyu̶xu̶chu̶ñ, je̱'e̱ Dios je̱'e̱ mu̶dyiibu̶ ku̶xyu̶ nejwu̶ydyaaybyu̶ñ neby je̱'e̱ njoot nwinma'añ nidu'ug nidu'ug nmu̶dajtu̶mu̶ñ ajku̶xy.

Paady u̶u̶ch je̱'e̱ Dioskujuuyu̶p je'emy nye̱jkku̶xy ma je̱'e̱ Diosu̶ñ, ko miich mmu̶doogu̶xy je̱'e̱ Dios y'ayuuk tyu̶y'ajt je̱'e̱ mu̶dyiibu̶ u̶u̶ch ngapxwa'kxku̶xu̶ñ ma miich ajku̶xyu̶ñ. Mgu'ubu̶jkku̶x je̱'e̱ du'un neby je̱'e̱ Dios y'ayuuk tyu̶y'ajtu̶ñ y ka'p dyu'unu̶ch neby je̱'e̱ ja'ay y'ayuuk tyu̶y'ajt ajku̶xyu̶ñ. Y janch tu̶y'ajt, Dios y'ayuuk tyu̶y'ajt je̱', je̱'e̱ mu̶dyiibu̶ ni'igu̶xu̶'kpu̶ñ ma je̱'e̱ mdzu̶naay mjugy'ajt miich ajku̶xyu̶ñ je̱'e̱ mu̶dyiibu̶ mu̶bu̶jkku̶xpu̶ñ.