Popular Bible Verses from REVELESEN 4

Share

Takakuw, day kitawa song tidiy, “Min nyanadi Yitaypika Duw-adimin. Min nyanadi God-adimin. Aw min adiy miyawa jaav yitaka-minilik tikuw, min rivi-kwanadimin nyanadiy sukwu-banadiy gaba maaj kwurkwurik, aw nyan minadi saam yakisuw takatakak. Miyawa ap adiy min minadiy-adiy. Aw min mina mawul warkuw, alik miyawa jaav yitaka-minidiy.” Akaan aka. Day atawa dikik song tidaad.

Adiy miyawa jaav pip abwun abwun rivin ridiy. Adiy pip milada miyawa sip kapwun ridiy aluwur aladaar. Nyi gaan nyi gaan baagw tijibir tikwanadiy kitawa, “Mwiya mwiyab mwiya viyakitad, mwiya mwiyab mwiya viyakitad, mwiya mwiyab mwiya viyakitad. Adi ap samasam tikwanadi Yitaypika Duw God-ad. Di aad adi tiyaad basa kasab, aw kitaanab nyanyi nyanyi.” Atawa baagw samab kwas maarin tikwanadiy.

Kidiy jaav daya kwukib wun jaav nak vituwil. Aal vituwil jaav aal adawur tipaam wiyig-ad tad. Sakwukuw tidik, aw ata kwudiy wukituwil, kwul puwdaak wakwala kwudiy pik wunak bwulalik. Li waal, “Kilir awar. Warminik, aw wun simaka-kituwadimin adiy ginyir maykaar wakwukinadiy jaav,” waan.