Popular Bible Verses from Mattiu 7

Share

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Bang hang hiam na cih uh leh, a ngente khempeuh in a ngah uh hi. A zongte khempeuh in a mu uh hi. A kiute khempeuh ading kongkhak a hon’ ding hi.

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Bang hang hiam na cih uh leh, nuntakna mun tun’ nading kong kawciik a, lam neu a, mi tawmcik a lut uh hi.”

“Kong kawciik ah lut un. Bang hang hiam na cih uh leh, siatna mun tun’ nading kong leh lampi tanzau a, mi tampi a lut uh hi.

Note in migilo na hi napi-un na tate uh a hoih na piak uh leh, tua sangin vantungah a om na Pa un a ngente a hoih, a bang zah a hong pia zaw ding hiam?

“Thukhenna tawh na kipelh theih nadingun midangte’ thu na khen kei un. Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Tu-a ka thuhilhte za napi, a ngai lo mi khempeuhte in sehnel tungah inn lam mihai tawh kibang ahi cih ka genteh ding hi.

Na mit sunga singluang lungngai loin na u na nau’ mit sunga ninneng tang bang hangin na en hiam? Na mit sungah singluang om napi-in na u na nau kiangah, ‘Na mit sungah a om ninneng tang hong paaikhiasak in,’ bang hangin ci na hi hiam?

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un. Amau gah en le uhteh, amau lungsim na thei ding uh hi. Lingkungah leenggah kilo thei hiam? Thangling kungah theigah kilo thei hiam?

A kung hoih khempeuh in gah hoih a gah thei uh hi. Kung hoih lo in gah hoih lo a gah thei hi.

A kung hoih in a gah hoih lo gah thei lo hi. A kung hoih lo in a gah hoih gah thei lo hi.

A gah hoih lo kung khempeuh kiphuk tan a, mei sungah kikhul ding hi.