Popular Bible Verses from Mattiu 5

Share

Mite in meivak a vak khit uh ciangin seeng a khuh kei uh hi. Inn sungah mi khempeuh in meivak a muh nadingun, a kho sangah a vaak uh hi. Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Note in leitung khuavak na hi uh hi. Mual dawnah a om khua kiliah zo lo hi.

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

“Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

“Mi kitawng kilemsak kik theite in thupha a ngah ding uh hi. Bang hang hiam na cih uh leh, Pasian’ tate cihna a ngah ding uh hi.”

“A dahte in thupha a ngah ding uh hi. Bang hang hiam na cih uh leh, amau in lungdamna a ngah ding uh hi.”

“Dikna thu hanga bawlsiatna a thuakte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.

“Midang a hehpih theite in thupha a ngah ding uh hi. Bang hang hiam na cih uh leh, amau in zong hehpihna a ngah kik ding uh hi.”

Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi. Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

“Lungnemte in thupha a ngah ding uh hi. Bang hang hiam na cih uh leh, amau in leitung a luah ding uh hi.”

“Note in leitung’ ci na hi uh hi. Ci in a alna a man’ leh, bangci a al kik ding hiam? Dai pua lamah paikhia-in mite sikgawp ding longal kiman’na om lo hi.

Tua ahih ciangin, vantungah a om na Pa uh a migi mah bangin na migi ta un.”

A hite ‘A hi mah hi’, a hi lote, ‘A hi lo mah hi,’ na ci un. Tua sang a kan zawk leh, a gilo mi’ sung pan a piang hi.”

“Mittang khat tangin mittang khat, ha khat tangin ha khat,’ a cihna thu na za zo uh hi. Ke’n kong cih-inah, a gilo mi na thukkik kei un. Na pang taklam mi khatpeuh in hong bet leh, pang langkhat zong na dawh lai un

Tua ahih ciangin na mit taklam in hong puksak leh, khelkhia inla paai in. Bang hang hiam na cih leh, na pumtangin hel khua sungah na kiat sangin na na khat kisia leh, nang adingin a phazaw ding hi. Na khut taklam in hong puksak leh, sat tan inla, paai in. Bang hang hiam na cih leh, na pumtangin hel khua sungah na pai sangin, na na khat kisia leh, nang adingin a phazaw ding hi,”