Popular Bible Verses from Mattiu 13

Share

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Suang lakah a kiate in, thu a zak ciangin lungdamin a man’ pah hangin, a sungah zung kha lo ahih ciangin tawlkhat kikal bek a kip hi. A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

“Vantung Gam in lo lai-ah a kiseel sum tawh kibang hi. Tua sum a mupa in khatvei seel kik a, lungdam mahmahin pai a, a neih khempeuh zuakin tua lo a va lei hi.”

Kimkhatte in lei hoihna-ah kia a, a zah zakhat, a zah sawmguk, a zah sawmthumin a gah hi.

Taang lak hun matengin a nam nihin khangkhawm tadih hen. Taang lak hun hong tun’ ciangin, lopa teng bot masa un la, mei ah hal dingin lom hen un. Taang ahih leh, ka sal sungah hong koih un,’ ci-in taang late ka vaikhak ding hi,” a ci hi.