Popular Bible Verses from Mattiu 10

Share

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Ama nuntakna a ngahte in, a nuntakna a mangthang ding hi. Keimah hanga nuntakna a mangsakte in, nuntakna a ngah ding uh hi.”

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

A singlamteh pua-a ka nung hong zui lote in, kei tawh kituak lo hi.

“Mite mai-ah kei hong mang hong ngai peuhmah, vantungah ka Pa mai-ah zong ka ngai ding hi. Mite mai-ah hong nial peuhmah, vantungah ka Pa mai-ah ke’n zong ka nial ding hi.”

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Tua ahih ciangin, na lau kei un. Note in gitta tampi sangin na manpha zaw uh hi.”

“Leitungah kilemna khah dingin hong pai hi,’ ci-in hong um kei un. Kilemna khah dingin hong pai ka hi kei hi. Namsau khat khah dingin hong pai ka hi hi.